Home » Uncategorized » 40 % e tumoreve nga viruset, vaksina për të parandaluar kancerin

40 % e tumoreve nga viruset, vaksina për të parandaluar kancerin

Kanceri, një nga sëmundjet me përqindjen më të lartë të vdekshmërisë mund të parandalohet me anë të vaksinimit, raporton agjencia e lajmeve.

Në këtë përfundim kanë arritur disa shkencëtarë suedezë, pas një studimi për origjinën e shfaqjes së sëmundjeve tumorale.

Sipas tyre 40 % e tumoreve, përfshi ato të kokës dhe leuçeminë shkaktohen nga viruset.

Nuk është një zbulim i ri, por deri dje shkencëtarët besonin se vetëm 10% e tumoreve kishin origjinë nga viruset, çka kishte orientuar në një tjetër drejtim studimet për parandalimin e tyre.

Viruset më të njohur të sëmundjeve onkologjike janë variacione të caktuara të Human Papilloma Virus (HPV) përgjegjës për kancerët e mitrës, të anusit, gojës, hepatiti B dhe C si dhe viruset, që shkaktojnë kancerin e mëlçisë dhe një tjetër virus i lidhur me kanceret e gjakut dhe sistemit limfatik.

Shkencëtarët nga Instituti Karolinska në Suedi, zbuluan javën e kaluar një përqindje të madhe të gjurmëve të kancerit të zakonshëm që shfaqet në trurin e fëmijëve.

Laureati i çmimit “Nobel”, prof. Harald Tsouri Chaouzen, i cili së bashku me kolegët e tij zbuloi 80 korrelacione të kancerit të qafës së mitrës është i bindur se zbulimet e mëtejshme do të nxjerrin në pah sesi janë të lidhura viruset me kancerin e gjirit, të lëkurës e mushkërive.

Pas këtyre zbulimeve do të lindë nevoja e vaksinimeve që do të parandalojnë shfaqjen e këtyre viruseve që më pas shkaktojnë edhe sëmundjet tumorale.

Publikoje ne:
  • Postoje tek Kapsit
  • Bookmark tek RuajFaqet
  • Facebook
  • Print this article!

Komentoni

© 2014 Keshilla.NET · RSS · Designed by Theme Junkie · Powered by WordPress