Anemia është zvogëlimi i rruazave të kuqe të gjakut (RBC). Simptomat e para të anemisë janë shumë të lehta. Këto simptoma paraqiten duke shkaktuar debulesë dhe lodhje të shpejtë.

Ndërsa format më të rënda shfaqin dhembje koke, marramëndje, plagë të vogla në skajet e gojës, çarje të thonjve, mungesë oreksi, zbehje të lëkurës, rrahje të shpeshta të zemrës, frymëmarrje të vështirësuar, dobësim muskulor etj. Ekzistojnë disa lloje të anemisë kështu që shërimi bëhet në varësi të saj.

Shenjat e anemisë
Analiza e gjakut është metoda më e mirë nëse dyshoni se jeni anemik. Rezultatet e saj do të tregojnë numrin, formën dhe sasisë e eritrociteve, gjithashtu edhe përqindjen e tyre në gjak. Shenjë  e anemisë është niveli i hemoglobinës (Hb). Vlerat normale te hemoglobinës sillen diku rreth 120 deri 160 g/l. Për meshkuj kjo vlerë është 180 g/l, ndërsa për femra 130 g/l.
Shkaktarët e anemisë
Rruazat e kuqe të gjakut formohen në palcën kurrizore dhe gjatë këtij proçesi ajo ka nevojë për hekur,
vitaminë dhe proteinë. Nëse organizmi nuk merr sasinë e caktuar të hekurit, sigurisht që do të arrijë deri tek anemia!
Shkaktarët e anemisë mund të jenë edhe humbja e madhe e gjakut gjatë menstruacioneve, prodhimi i dobësuar i eritrociteve, ose shkatërrimi i rritur i tyre, sëmundjet e veshkeva, mëlçisë, nyjeve, palcës kurrizore, mungesa e vitaminave etj.

Anemia paraqitet si pasojë e mungesës së hekurit. Trupi ynë nuk mund të prodhojë hekur. Rezervat e tij gjenden në rruazat e kuqe të gjakut (të cilat jetojnë gjithsej 120 ditë), pastaj  hekuri  kthehet ne palcën kurrizore, ku formohen eritrocite të reja. Nëse organizmi nuk merr sasi të reja të hekurit, palca kurrizore nuk formon sa duhet eritrocite dhe atëherë mund të paraqitet anemia sideropenike. Këtë lloje të anemisë e karakterizojnë volumi i zvogëluar i eritrociteve.

Sasia e zvogëluar e hekurit paraqitet në këto raste:

- Nevoja e rritur për këtë oligoelement (shtatzënia ose zhvillimi i organizmit);
– Absorbimi i zvogëluar në organet për tretje;
– Gjakderdhjet (cikli apo lëndimet);
– Marrja e pamjaftueshme  përmes ushqimit.

Shërimi i anemisë
Gjatë shërimit të anemisë, me rendësi është të kompensohet hekuri. Roli i tij është të gjendet në sasi të mjaftuar në hemoglobinë dhe të mundësojë bartjen e oksigjenit deri tek të gjitha qelizat e trupit. Ai hyn në përbërje të enzimave të cilat mundësojnë proçeset oksido-reduktuese dhe ndihmojnë në rritjen e rezistueshmërisë së organizmit.
Në natyrë më shumë gjendet në mish të kuq, patate, arra, perimet e gjelbërta etj. Absorbimin e hekurit e ndihmon vitamina C. Vitamina B6 është po ashtu e nevojshme për absorbimin e hekurit, por edhe me i dobishëm ne shfrytëzimin e hekurit ne sintezën e hemoglobinës. Po ashtu, absorbimin e ndihmojnë edhe vitaminat B2, B11, B12, kalciumi, bakri, fosfori, mangani.

Mozilla po e zhvillon sistemin e lajmërimeve për ueb aplikacione. Ngjashëm si në telefonat celularë, do të përdoren push lajmërimet (notifikacionet), e me këtë do të eliminohet nevoja që aplikacioni të jetë i ngarkuar.

Zgjidhjet e ngjashme tashmë ekzistojnë. Për shembull, në Chrome mund të pranohen lajmërimet nga Gmaili, por për këtë funksionalitet duhet pasur të ngarkuar ueb aplikacionin në fletëzën e shfletuesit. Sistemi i Mozillas do të punojë pa pasur nevojë për këtë, e së paku në teori, lajmërimet do të mund të përdoren edhe në pajisjet mobile.

Funksionaliteti momentalisht është në fazën e planifikimit, e para Mozilles është ende edhe shumë punë, por nëse standardi “pranohet”, kjo ende do të jetë një arsye më pak për përdorimin e aplikacioneve native në vend të atyre në ueb. Gjithashtu, për klasat e caktuara të aplikacioneve do të eliminohet nevoja për zhvillimin e disa versioneve, të ndara për secilën platformë.

Brenda nesh ekzistojnë tri jetë: jeta organike, jeta intelektuale, jeta morale. Nga ekuilibri i kompletuar i këtyre tri jetëve rezulton shkalla më e plotë e më e ngritur e lumturisë njerëzore.

Njeriu i përsosur di t’i jetojë të tria me të njëjtin intensitet. Në kushtet më të mira, njëkohësisht i mbron, i mbron, i kultivon, i zhvillon, e di të mbahet mirë fizikisht, i aftë intelektualisht, i ekuilibruar moralisht.

Kjo gjë është fare e mundur. Secili nga ne mund të mbahet fizikisht mirë e i fortë duke edukuar e duke kryer në mënyrë racionale funksionet e veta jetësore, duke zhvilluar me ushtrime muskujt e mushkëritë, duke rregulluar e duke rritur aftësinë e gjëndrave endokrine, duke shkathtësuar e duke kalitur trupin me gjimnastikë e sport.

Secili nga ne mund të fuqizojë jetën e tij intelektuale duke iu kushtuar studimit, kulturës, artit, duke mprehur vazhdimisht aftësitë e trurit. Secili nga ne mund të përkujdeset për ekuilibrin e vet moral, duke e edukuar vullnetin, shpirtin e vendosmërisë e të iniciativës, duke formuar vetëdijen e vet sipas disa normave, duke zhvilluar ndjenjën e përgjegjësisë.

Kjo që u tha më lartë është e mundur, sepse është nën dominimin direkt të vullnetit. Nga ekuilibri i kompletuar i këtyre tri jetëve rezulton shkalla më e plotë e më e ngritur e lumturisë njerëzore.

Pikat më të ndjeshme në martesë apo në një lidhje serioze janë financat, marrëdhëniet në familje, fëmijët, planet dhe pritjet nga jeta, që zakonisht sjell deri te ndarja apo shkurorëzimi.

Prandaj, britanikëve u ra ndërmend të mendojnë se para hyrjes në jetë të përbashkët ta testojnë kompatibilitetin e partnerit.

Para jetës së përbashkët kontrolloni nëse ju dhe partneri juaj keni pikëpamje të njëjta, nëse e dëshironi një familje tradicionale apo bashkëkohore dhe a planifikon ai që punët e shtëpisë t’i kryeni së bashku.

Paraja

Sa janë të ardhurat e gjysmës tjetër dhe a e di ai sa ju fitoni? A i ndani kursimet, apo ai dëshiron të blejë një veturë të re, gjersa ju do donit të kurseni? A qëndron paraja në një vend të përbashkët, apo secili mban kuletën e tij? Planifikoni të hapni një llogari të përbashkët? A keni diçka kundër që t’i mbuloni borxhet e partnerit tuaj me paratë me të cilat keni planifikuar t’i investoni në shtëpi?

Shpenzimet

Nuk mund të hiqni dorë nga këpucët e shtrenjta apo rrobat më të reja? A e fshihni nga partneri minusin në kartelë? A luani bixhoz? A jeni të varur nga diçka dhe a është në dijeni partneri juaj për një gjë të tillë?

Lidhjet familjare

Cilat janë marrëdhëniet tuaja me farefisin – të afërm dhe të largët? A jeni në kontakt me familjen dhe a planifikoni që këtë lidhje ta forconi edhe më? A përzihen ata në jetën tuaj? A jeni në marrëdhënie të këqija me familjen tuaj apo të partnerit?

Fëmijët

A dëshironi fëmijë dhe sa? Si mendoni t’i edukoni? A pajtoheni të investoni në edukimin e tyre?

Një valë e re sulmesh kibernetike po kërcënon kompjuterët në të gjithë botën. Bëhet fjalë për disa e-maile që përmbajnë një lloj virusi, i cili ka aftësinë që të bëjë efektin edhe pa u hapur materiali i bashkangjitur të attachment.

Përdoruesi as nuk do të paralajmërohet fare se diçka e tillë po ndodh, pasi vetëm do të ketë një mesazh “loading”.

E-maili automatikisht shkarkon programe shkatërruese për kompjuterin tuaj në momentin kur përdoruesi klikon për ta hapur.

E-maili në vetvete nuk figuron i infektuar pasi gjeneron gjithçka pasi hapet ndaj nuk mund të pikaset paraprakisht nga sistemet e mbrojtjes.

Fara e Zezë përmbanë vaj acidik të pangopur, vaj me eter, vitamina dhe një sërë substancash të tjera të domosdoshme për organizmin.

Tashmë është vërtetuar se vaji acidik i pangopur që përmban Fara Zezë ndikon pozitivisht mbi metabolizmën e trupit, rrit imunitetin dhe ndalon alergjinë.

Fara përmban përafërsisht 38% karbohidrate, 35% vajra të ndryshëm, 21% albuminë dhe pjesa tjetër përbëhet prej më shumë se një qind substanca të ndryshme. Për t’u përmendur janë: vajrat acidike të pangopura, acidi Linolein, acidi alfa-Linolein, vajrat me eter (nigellon, alfa-pinen etj.), vitaminat (B1, B2, B6, Acidi Folik, Niacina), mineralet (hekur, kalcium, magnez, zink, etj.) dhe amino acidet.

Përveç efektit që jep Fara e Zezë në sistemin imunitar, metabolizmin dhe zhvillimin e hormoneve, njëkohësisht pastron trupin nga substancat e dëmshme të quajtura Toxin, përforcon qarkullimin e gjakut, ndihmon në funksionin e zorrëve dhe rrit shkëlqimin e flokëve dhe lëkurës. Ul tensionin dhe temperaturën dhe kryen funksjonin e antibiotikëve. Është mjaft efektifv ndaj sëmundjeve alergjike si Astma dhe alergjia ndaj polenave. Për efektin që ka në sistemin imunitar mund të luftojë edhe sëmundje të vështira si: Aids dhe kancer.

Me gjithë këto të mira që përmban Fara e Zezë është vështirë të qëndrojë jashtë vëmëndjes së botës perëndimore. Vitet e fundit në Europë dhe SHBA vërehet të ketë kërkesë për këtë farë, në farmacitë gjermane Fara e Zezë tashmë është e pranishme në formën e saj origjinale si farë, vaj ose tabletë.

Fara e Zezë kalon edhe në disa thënie të Profetit Muhammed si një ilaç i pazëvendësueshëm ku edhe sugjerohet përdorimi i kësaj bime. Pikërisht për këtë arsye, Fara e Zezë përdoret me shekuj si një ilaç popullor mes popujve musliman.

Gjate dimrit nuk te vjen shume dëshira për te konsumuar sallate jeshile, megjithatë ajo ka shume te mira për shëndetin.

Ushqim i mire për t’u dobësuar
Kjo është një nga cilësitë me te njohura. Sallata jeshile është një perim i pasur me antioksidues te cilat na ndihmojnë te ndalim grumbullimin e yndyrnave.

Edhe pse nuk mund te shkrije dhjamin qe tashme ndodhet ne organizëm, kjo sallate është mjaft e efektshme për te limituar sasinë e lipideve ne gjak. Kjo vjen si pasoje e sasisë se madhe te fibrave te cilat ndihmojnë transitin intestinal dhe ekuilibrojnë ushqimin.

Lufton stresin

Ne fakt kjo nuk është një cilësi shume e njohur e sallatës jeshile, por ne fakt eshtre e vërtetë. Ajo është mjaft qetësuese dhe mund te krahasohet edhe me opiumin, sigurisht pa efektet toksike. Një mjekim mjaft i mire kundër pagjumësisë e cila zakonisht lidhet me stresin.

Mjaft e mire për lëkurën

Sallata jeshile është e pasur me Omega 3 dhe ujë (90%) te cilat sjellin mineralet e nevojshme ne organizëm. Këto te fundit tonifikojnë qelizat e lëkurës sonë dhe i japin asaj shkëlqim. Omega 3-shi vepron edhe si hidratues natyral, çka lubrifikon ne brendësi qelizat.

Iu jep shkëlqim flokëve

Fale përmbajtjes se vitaminës B, konsumimi i shpeshte i sallatës jeshile iu jep shkëlqim flokëve tanë. Kjo vitamine gjithashtu ndihmon edhe kundër këputjes se flokëve.

Një aleat kundër rutinës

Ne fakt ka shume lloje sallatash qe mund te përgatiten dhe për këtë mund te varjojmë ne pafundësi. Sallata jeshile mund te shërbehet ne pjate te pare, ne pjatën kryesore, etj. Mund te shkoje mjaft mire me uthull apo edhe me salca te ndryshme./ ikub/

Temperaturat e ulëta jo vetëm që shkaktojnë viroza, por ato shtojnë edhe oreksin.

Por, edhe pse vajzat që kërkojnë të duken bukur, nisin të shqetësohen me shtimin e oreksit në muajt e dimrit, dietologët thonë se nuk ka asgjë për t’u shqetësuar.

Kjo, sipas tyre, është një dukuri që ndodh sa herë që bien temperaturat e motit, për shkak se ndjesia e të ftohtit nxit oreksin.

Dietologët japin dhe këshillat e tyre për muajt e ftohtë. Ata këshillojnë veshjen me rroba të ngrohta, ndërkohë që rekomandojnë konsumimin e frutave të thata, bajamet, arrat, etj, për energji shtesë.

Për një trup të shëndetëshëm, dietologët rekomandojnë mosndërprerjen e aktiviteteve fizike, të cilat mund të bëhen në ambiente të mbyllura