Shpesh dëgjojmë nëpër biseda, apo ndër miq të na thonë se nëse do të duam vërtet të dobësohemi nuk do të na mjaftojë vetëm dieta apo sporti.

Kjo, sepse asnjëra prej tyre nuk do të mund që t’i tresë deri në fund depozitat e dhjamit në pjesë të trupit, të cilat edhe pse mund të dobësohemi do të vazhdojnë që të qëndrojnë aty “të patundura”.

Sipas një mjeshtri britanik të fitnesit, që është marrë 20 vitet e fundit me eksperimentimin e metodave që duhet të përdorin gratë për të rënë nga pesha në mënyrë sa më të hijshme dhe të shëndetshme, shumë gra të reja që kanë ndjekur dieta rigoroze dhe kanë ndjekur edhe një regjim fitnesi të shembullt janë të pakënaqura nga fakti që pavarësisht punës së tyre janë dobësuar në vendet e gabuara, pra në mënyrë të disproporcionuara. Kjo i ka frustruar shumë këto gra e vajza të reja, por edhe në një moshë më të madhe. Një pjesë e madhe e këtyre grave kanë dashur për shembull që të bien në peshë në vithe, apo në bel dhe në vend të kësaj në përfundim të dietave dhe ushqimeve kanë humbur peshë në fytyrë apo në gjoks, çka nuk ishte rezultati që kërkuan në fillim. Më të pakënaqura janë gratë në periudhën e menopauzës, të cilat grumbullojnë me shumicë shenja në bark dhe në krahë. Sipas këtij eksperti të fitnesit, që është ndërkohë edhe mjek, arsyeja që dhjami ikën vetëm në disa pjesë të trupit dhe jo në të gjitha të tjerat është shpesh hormonale. Shumë procese të trupit tonë koordinohen nga hormonet dhe janë pikërisht hormonet ato që “vendosin” se ku do të depozitohet dhjami i trupit tonë. Problemet dalin sepse shpesh shumë prej nesh jetojnë në një situatë mosbalancimi hormonal për shkak të dietave, ushqimit të keq, stresit, ndotjes së mjedisit dhe mungesës së ushtrimeve të duhura dhe jetës aktive. Sipas tij, çdo vend ku grumbullohet yndyra dhe dhjami në trup kudo qoftë në stomak, në gjoks, në vithe, e kështu me radhë shkatërrohet nga veprimi, ose mosveprimi i një hormoni specifik. Me korrigjimin e disbalancës personale hormonale përmes një diete të dobishme, ushtrimeve të duhura dhe një mënyre jetese të shëndetshme këto vende dhjami reduktohen dhe dhjami shkrin edhe në ato pika “të vështira”.

Për sa u përket dietave të ushqimeve të duhura, ai rekomandon dietën mesdhetare, pra të pasur me fruta, me perime, me peshk, me pak mish, me yndyra të shëndetshme, me shumë pak sheqer dhe duke lënë mënjanë njëherë e mirë të gjitha ushqimet që blihen në fast-food. Ndërkaq, ushtrimet dhe lëvizja e përditshme janë shumë të domosdoshme për ndryshimin radikal dhe pozitiv në organizëm.

Depozitimi i dhjamit në kurriz dhe në pjesën sipër xhinseve mund të jetë shenjë e një problemi me hormonin e insulinës, që rregullon nivelin e sheqerit në gjak dhe në këtë rast problemi mund të çojë në depozitim të dhjamit edhe mbi ije. Një dietë me sheqer detyron trupin që të nxjerrë jashtë insulinën. Por me kalimin e kohës nëse sheqeri mbetet i lartë atëherë qelizat nuk do të kundërpërgjigjen më siç duhet, duke shkaktuar kështu prodhimin e një sasie më të madhe insuline dhe si pasojë do të kemi një tepri glukoze në gjak dhe shëndoshje në zonat e sipërme. Kësisoj, për të ndryshuar situatën duhet që të menaxhojmë karbohidratet dhe sheqernat në dietën tonë. Pra, në këtë rast, na vlen dieta mesdhetare dhe shmangia e teprimeve me alkool, bukë të bardhë, biskota, keke, patatina, oriz, ëmbëlsira dhe pije me gaz. Duhet konsumuar çdo lloj ushqimi i pasur në antioksidantë (që parandalon dëmtimin nga radikalet e lira dhe redukton rezistencën e insulinës) i tillë si kanella, karafili, barërat e freskëta, luleshtrydhet, manaferrat, brokoli, çaji i gjelbër.

Për sa i përket dhjamit të pjesës së gjoksit, ai mund të shkaktohet nga problemet me tiroidet. Kjo gjendje rregullon edhe shkallën e djegies së kalorive nga ushqimi. Nëse tiroidja ka funksion të lartë mund të shkaktojë dhjamosje të pjesës së gjoksit te femrat, si dhe një rritje të peshës së trupit në përgjithësi, lodhje dhe depresion. Ndërkohë, disa lloj ushqimesh mund të interferojnë me funksionimin e rregullt të gjëndrës së tiroideve, ndaj në një rast të tillë kufizoni brokolin, lakrën e Brukselit, lakrën në përgjithësi, produktet e sojës, spinaqin dhe luleshtrydhet. Kjo vlen vetëm për përdorimin e tyre në gjendje të pagatuar. Nëse do t’i gatuani, atëherë çaktivizohen përbërësit e dëmshëm dhe mund t’i konsumoni pa frikë. Ndërsa për të nxitur jodin në tiroiden tuaj, atëherë duhet të hani oriz kaf, hudhra, mëlçi, salmon, ton. Mbi të gjitha gjeni kohë që të pushoni. Hormoni i stresit, kortisoli, mund të ndryshojë funksionin e tiroideve. Gjithashtu përdorni një pastë dhëmbësh pa fluoride.

Ndërsa për sa i përket akumulimit të dhjamërave në pjesën e poshtme të krahëve, kjo mund të ketë të bëjë me uljen e madhe të hormonit të testosteronit dhe vihet re më shumë te gratë që i afrohen moshës së mesme. Nxitja e niveleve të këtij hormoni mund të vijë përmes një ushtrimi të duhur, pra përmes vrapit apo ushtrimeve të tjera fizike të dobishme, të cilat ndihmojnë në sjelljen në formë të krahëve. Ndërkohë rekomandohet si shumë i dobishëm seksi. Rënia në dashuri e rrit shumë nivelin e testosteroneve dhe seksi i rregullt i çon trupit sinjale për prodhimin e një sasie më të madhe hormonesh. Një tjetër mënyrë është edhe ajo e një gjumi në sasinë e duhur, sepse dhe gjumi ndihmon në prodhimin e këtij hormoni. Mungesa e ushtrimeve e ul ndjeshëm gjithashtu nivelin e testosteroneve. Edhe në këtë rast duhen reduktuar sheqernat dhe karbohidratet e përpunuara nga dieta juaj, sepse nivelet e larta të sheqerit në gjak e ulin prodhimin e testosteronit, por ndërkohë mos e zhdukni tërësisht nga dieta juaj, sepse edhe mungesa e sasisë së duhur të kalorive në trup për një kohë të gjatë mund të çojë në ulje të prodhimit të hormoneve. Nxiteni marrjen e yndyrave të shëndetshme që janë të domosdoshme për prodhimin e testosteroneve. Hormoni femëror i estrogjenit nxit edhe akumulimin e dhjamit rreth këmbëve dhe shumë prej nesh janë të ekspozuar ndaj niveleve të larta të estrogjenit si atyre natyrore, por edhe artificiale. Në natyrë gjenden tek uji dhe mishi, ndërsa estrogjeni në rrugë sintetike gjendet te kimikatet plastike dhe në ambient. Për të luftuar këtë duhet që të hamë më shumë fruta, zarzavate dhe drithëra. Mos përdorni më alkool, mos merrni tableta kundër dhimbjeve dhe pije të ndryshme që përmbajnë konservantë dhe ngjyrues kimikë. Hani sa më shumë kos natyral që të nxisni prodhimin e baktereve të mira në stomak, të cilat ndihmojnë në tretjen e ushqimit dhe reduktoni edhe kafenë. Sipas një studimi të fundit, kafeina nëse do të konsumohet me tepri, pra më shumë se dy kafe në ditë, mund të shkaktojë edhe çlirimin e madh të hormoneve të estrogjenit te gratë.

Dhjami në bel. Kjo mund të jetë tregues i problemeve me gjëndrat adrenale dhe mbiprodhimin e hormonit të kortisolit. Një stres i gjatë dhe i fortë mund të shkaktojë në trup prodhimin e një sasie më të madhe nga sa duhet kortisoli, që rrit në gjak nivelin e glukozës. Kjo në këmbim shkakton edhe shtimin e insulinës që komandon trupin që të magazinojë sasi të mëdha glukoze rreth stomakut. Shkaku kryesor i kësaj situate dhjamosjeje është konsumimi i një diete me shumë sheqerna, kryesisht në formën e alkoolit. Mbi të gjitha për të marrë masat ndaj një problemi të tillë duhet pushim, relaks që të ndihmon të ulësh nivelin e stresit. Pra duhet që të prishet ai cikël stresi që ka shkaktuar probleme në trup. Sipas studimeve, një pushim i mirë ul edhe kërkesën e trupit për ushqime me kalori të lartë. Edhe në këtë rast është e rëndësishme që të mbahen nivelet e ulëta të glukozës në gjak. Ushtrimet e moderuara fizike janë të mira, por kurrë mos e tejkaloni masën.

Banja është një nga ato vendet në shtëpi ku midis parterëve bëhet debate se çka është e lejuar e çka jo. Disa insistojnë në privatësi totale, disa të tjerë derën lënë hapur, e disa i përmbahen një qasje gjysmë-private.

Madje, edhe nëse ekziston mesi i artë, edhe më tutje ekzistojnë disa rregulla, të cila çiftet duhet t’ju përmbahen nëse dëshirojnë t’i shmangin situatat e pakëndshme.

Dyert mbani mbyllur

Kur jeni në fillimin e lidhjes, madje edhe nëse jeni krejt të hapur me njëri-tjetrin, derën e banjës mbajeni të mbyllur. Me kalimin e kohës do ta kuptoni se çfarë mendon ana tjetër rreth kësaj, edhe pse shumica preferojnë derën e mbyllur.

Përdorni freskimin e ajrit

Njëra ndër situatat më të këqija është të hysh në banjë pas asaj kur askush nuk është munduar ta eliminojë aromën. Përdorni freskues ajri sa herë që të hyni dhe të dilni nga banja dhe pas vetes lini një aromë të këndshme.

Kujdes me dushin

Derisa jini në bonjë, kujdes si dhe kur e lëshoni, pra, kujdesuni mirë që partneri apo partnerja të mos hasë në një befasi të akullt.

Pastroni qimet

Shumë femra ankohen se si meshkujt pas dushit nuk pastrojnë banjën, e meshkujt një gjë të tillë e bëjnë me qimet e flokëve. Pasi të keni kryer me veten, atëherë bëni edhe një kontroll se çfarë po lini prapa, në dysheme, vaskë, sapun…etj. Për një kontroll të tillë duhen pak sekonda, e përshtypja që do lini tek partnerja do të jetë mahnitëse.

Mos hyni pa trokitur

Ndoshta për juve është e zakonshme të shëtisni nëpër banjë, t’i pastroni dhëmbët apo ta vendosni grimin. Së pari trokitni, prisni përgjigjen, e më pas mund të hyni, natyrisht nëse përgjigjja është pozitive.

Që të jeni vital duhet të shpenzoni më shumë kalori se sa konsumoni, e për ta arritur një gjë të tillë, metabolizmi duhet të punojë me shpejtësinë e pestë.

Edhe pse besohet se vitet e ngadalësojnë atë, disa gjëra lehtë mund të ndryshohen. Do ta përmirësoni punën e metabolizmit, si dhe do të keni disa kile më pak.

Kujdes çfarë dhe kur konsumoni

Shprehitë ushqyese janë vendimtare për metabolizmin. Pas pushimit të natës, sipas portalit “Fitsugar.com”, trupit të njeriut i nevojiten “derivate”. Mos e anashkaloni kafjallin, në të kundërtën metabolizmi do ta ngadalësojë punën për ta kursyer energjinë. Qëllimi është që trupi juaj ta fitojë energjinë me kohë dhe të punojë me kapacitet të plotë, pa ngadalësim dhe pa kursim. Në menynë tuaj duhet të ketë proteina, kalcium, çaj të gjelbër, çokollatë të zezë.

Për gjumë të lehtë

1. Mos konsumoni alkool para gjumit,

2. Shmangni ushtrimet natën vonë,

3. Dy orë para gjumit mos konsumoni gjë,

4. TV, lap-topët, mos i mbani në dhomën e gjumit,

5. Flini në qetësi.

Flini mirë

Pos ndjenjës së lodhjes, pagjumësia apo gjumi i pamjaftueshëm mund të shkaktojë probleme të ndryshme shëndetësore, përfshirë këtu edhe mbipeshën. Hulumtimi i bërë në Shtetet e Bashkuara të Amerikës tregon se femrat, të cilat brenda natës flenë më pak se pesë orë gjumë, në 32% të rasteve janë më të ekspozuara ndaj mbipeshës, në krahasim me ato të cilat flenë normalisht. Gjumi jo i mjaftueshëm e ngadalëson metabolizmin. Edhe më keq – mungesa e gjumit e shton sekretimin e hormonit grelinë, i cili shkakton urinë.

Shtoni kardio-ushtrimet

Ushtroni disa herë brenda javës nga 45 minuta dhe një gjë të tillë bëjeni rregullisht – një studim amerikan tregon se pas ushtrimeve intensive metabolizmi shpenzon 190 kalori shtesë. Ekspertët theksojnë se ushtrimet intensive e mbajnë metabolizmin në punë të shpejtë edhe pas ushtrimeve, e kjo, sipas tyre, shkrin kaloritë. Kardio-ushtrimet më të mira janë vrapimi apo ngasja e biçikletës.

Uji

Kur ta konsumoni gjysmë litër ujë, metabolizmi përshpejtohet për rreth 30%.

Forcojini muskujt

Ndërtimi i muskujve nëpërmjet ushtrimeve e shpejton metabolizmin. Muskujt i shpenzojnë kaloritë më shumë se shtresat e dhjamit. Nuk është vërtetuar saktë, studime të ndryshme kanë shifra të ndryshme: një kilogram i masës muskulore shpenzon midis 30 dhe 100 kalori në ditë. E njëjta sasi e indit dhjamor shpenzon rreth 4 kalori brenda ditës.

Anemia është zvogëlimi i rruazave të kuqe të gjakut (RBC). Simptomat e para të anemisë janë shumë të lehta. Këto simptoma paraqiten duke shkaktuar debulesë dhe lodhje të shpejtë.

Ndërsa format më të rënda shfaqin dhembje koke, marramëndje, plagë të vogla në skajet e gojës, çarje të thonjve, mungesë oreksi, zbehje të lëkurës, rrahje të shpeshta të zemrës, frymëmarrje të vështirësuar, dobësim muskulor etj. Ekzistojnë disa lloje të anemisë kështu që shërimi bëhet në varësi të saj.

Shenjat e anemisë
Analiza e gjakut është metoda më e mirë nëse dyshoni se jeni anemik. Rezultatet e saj do të tregojnë numrin, formën dhe sasisë e eritrociteve, gjithashtu edhe përqindjen e tyre në gjak. Shenjë  e anemisë është niveli i hemoglobinës (Hb). Vlerat normale te hemoglobinës sillen diku rreth 120 deri 160 g/l. Për meshkuj kjo vlerë është 180 g/l, ndërsa për femra 130 g/l.
Shkaktarët e anemisë
Rruazat e kuqe të gjakut formohen në palcën kurrizore dhe gjatë këtij proçesi ajo ka nevojë për hekur,
vitaminë dhe proteinë. Nëse organizmi nuk merr sasinë e caktuar të hekurit, sigurisht që do të arrijë deri tek anemia!
Shkaktarët e anemisë mund të jenë edhe humbja e madhe e gjakut gjatë menstruacioneve, prodhimi i dobësuar i eritrociteve, ose shkatërrimi i rritur i tyre, sëmundjet e veshkeva, mëlçisë, nyjeve, palcës kurrizore, mungesa e vitaminave etj.

Anemia paraqitet si pasojë e mungesës së hekurit. Trupi ynë nuk mund të prodhojë hekur. Rezervat e tij gjenden në rruazat e kuqe të gjakut (të cilat jetojnë gjithsej 120 ditë), pastaj  hekuri  kthehet ne palcën kurrizore, ku formohen eritrocite të reja. Nëse organizmi nuk merr sasi të reja të hekurit, palca kurrizore nuk formon sa duhet eritrocite dhe atëherë mund të paraqitet anemia sideropenike. Këtë lloje të anemisë e karakterizojnë volumi i zvogëluar i eritrociteve.

Sasia e zvogëluar e hekurit paraqitet në këto raste:

- Nevoja e rritur për këtë oligoelement (shtatzënia ose zhvillimi i organizmit);
– Absorbimi i zvogëluar në organet për tretje;
– Gjakderdhjet (cikli apo lëndimet);
– Marrja e pamjaftueshme  përmes ushqimit.

Shërimi i anemisë
Gjatë shërimit të anemisë, me rendësi është të kompensohet hekuri. Roli i tij është të gjendet në sasi të mjaftuar në hemoglobinë dhe të mundësojë bartjen e oksigjenit deri tek të gjitha qelizat e trupit. Ai hyn në përbërje të enzimave të cilat mundësojnë proçeset oksido-reduktuese dhe ndihmojnë në rritjen e rezistueshmërisë së organizmit.
Në natyrë më shumë gjendet në mish të kuq, patate, arra, perimet e gjelbërta etj. Absorbimin e hekurit e ndihmon vitamina C. Vitamina B6 është po ashtu e nevojshme për absorbimin e hekurit, por edhe me i dobishëm ne shfrytëzimin e hekurit ne sintezën e hemoglobinës. Po ashtu, absorbimin e ndihmojnë edhe vitaminat B2, B11, B12, kalciumi, bakri, fosfori, mangani.

Brenda nesh ekzistojnë tri jetë: jeta organike, jeta intelektuale, jeta morale. Nga ekuilibri i kompletuar i këtyre tri jetëve rezulton shkalla më e plotë e më e ngritur e lumturisë njerëzore.

Njeriu i përsosur di t’i jetojë të tria me të njëjtin intensitet. Në kushtet më të mira, njëkohësisht i mbron, i mbron, i kultivon, i zhvillon, e di të mbahet mirë fizikisht, i aftë intelektualisht, i ekuilibruar moralisht.

Kjo gjë është fare e mundur. Secili nga ne mund të mbahet fizikisht mirë e i fortë duke edukuar e duke kryer në mënyrë racionale funksionet e veta jetësore, duke zhvilluar me ushtrime muskujt e mushkëritë, duke rregulluar e duke rritur aftësinë e gjëndrave endokrine, duke shkathtësuar e duke kalitur trupin me gjimnastikë e sport.

Secili nga ne mund të fuqizojë jetën e tij intelektuale duke iu kushtuar studimit, kulturës, artit, duke mprehur vazhdimisht aftësitë e trurit. Secili nga ne mund të përkujdeset për ekuilibrin e vet moral, duke e edukuar vullnetin, shpirtin e vendosmërisë e të iniciativës, duke formuar vetëdijen e vet sipas disa normave, duke zhvilluar ndjenjën e përgjegjësisë.

Kjo që u tha më lartë është e mundur, sepse është nën dominimin direkt të vullnetit. Nga ekuilibri i kompletuar i këtyre tri jetëve rezulton shkalla më e plotë e më e ngritur e lumturisë njerëzore.

Temperaturat e ulëta jo vetëm që shkaktojnë viroza, por ato shtojnë edhe oreksin.

Por, edhe pse vajzat që kërkojnë të duken bukur, nisin të shqetësohen me shtimin e oreksit në muajt e dimrit, dietologët thonë se nuk ka asgjë për t’u shqetësuar.

Kjo, sipas tyre, është një dukuri që ndodh sa herë që bien temperaturat e motit, për shkak se ndjesia e të ftohtit nxit oreksin.

Dietologët japin dhe këshillat e tyre për muajt e ftohtë. Ata këshillojnë veshjen me rroba të ngrohta, ndërkohë që rekomandojnë konsumimin e frutave të thata, bajamet, arrat, etj, për energji shtesë.

Për një trup të shëndetëshëm, dietologët rekomandojnë mosndërprerjen e aktiviteteve fizike, të cilat mund të bëhen në ambiente të mbyllura

Një substancë e gjetur në arra dhe në drithëra integrale ka mundësi që një ditë të ndihmojë doktorët për të luftuar një lloj helmimi me ushqim që kishte sëmurë mijëra evropianë në verën e kaluar, thotë studimi i bërë në minjtë.

Derisa ka shumë lloje të mikrobeve që mund të shkaktojnë helmim me ushqim, shpërthimi evropian kishte përfshirë një variant të rrezikshëm të bakterit E.Coli. Ky bakter infekton njerëzit me një lloj helmi të quajtur “Shiga”.

Disa nga bakteret po ashtu e prodhojnë këtë helm, i cili brenda një viti shkakton më shumë se një milion vdekje në gjithë botën.

Shpërthimi i helmimit të ushqimit që kishte kapluar Evropën kishte infektuar rreth katër mijë njerëz dhe ka shkaktuar pesëdhjetë vdekje. Por ende nuk ka ndonjë tretman definitiv për helmin me “Shiga”.

Megjithatë, shkencëtarët kanë raportuar se ata mund t’i mbrojnë minjtë kundër dozës vdekjeprurëse duke injektuar në ta mineral të manganit. Kafshët janë injektuar me mineral për shtatë ditë para se t’i ekspozoheshin helmit.

Derisa minjtë e patrajtuar kanë ngordhur brenda katër ditëve, ata që kanë qenë të injektuar me mineral kanë mbijetuar shëndetshëm. Mangani ka bërë që helmi të shkatërrohet nga qelizat.

Shkencëtarët kanë nevojë për të bërë hulumtime të mëtejme për të parë nëse mangani do të funksionojë edhe te njerëzit. Mangani tashmë është aprovuar për përdorim mjekësor dhe është jo shumë i shtrenjtë, kanë thënë ata. Kështu që mund të bëhet posaçërisht i dobishëm sidomos në vendet në zhvillim, ku janë shfaqur më shumë raste të helmimit me “Shiga” kanë shkruar hulumtuesit nga universiteti “Carnegie Mellon” në Pittsburgh.

Tek femrat anorekse dhe ato që kanë humbur shumë shpejt peshën e trupit mund të lajmrohen probleme në zemër, të rrezikshme për jetën, të cilat bëhen të dukshme gjatë ushtrimeve, pohojnë shkenctarët Amerikan.

Me vite është e njohur se tek femrat të cilat të sëmura nga anoreksia paraqiten probleme në zemër, tek të cilat paraqiten të rrahura të pakta në zemër dhe dëmtim të muskulit të zemrës.

Përveç kësaj, shkenctarët besojnë se vdekja e menjëhershme në rastin e të sëmurëve nga anoreksia kryesisht është rezultat i problemeve në zemër.
Dr. Suzanne Riggs dhe kolegët e saj nga spitali pediatrik Hsabro në vendin Providence në Rhode Island, kanë studiuar punën e zemrës tek 36 vajza me moshë prej 11 deri 18 vjet, të cialt ishin të hospitalizuara për shkak mosushqyerjes të shkatuara nga anorekisa.

Deri sa aparatet kanë matur punën e zemrës dhe metabolizmin e saj, këto vajza ushtronin në biçikleta të dhomës duke simuluar vozitjen e saj në tatëpjetë. Ato kishin ndërprerë ushtrimet kur janë lodhur shumë.

33% nga këto vajza të kontrolluara pastaj, duke përfshirë edhe ato që kanë ushtruar çdo ditë për disa orë, kishin zemër të dobësuar mesatarisht apo edhe fort.