Koha për vrap?

Koha për vrap

Koha për vrapDitët e ngrohta janë në largim. Është koha për të marrë ajrin e freskët vjeshtor dhe duke bërë pak vrap dhe ushtrime. Ja se çfarë duhet të bëni konkretisht.

Ja se çfarë duhet të dini 
Vrapimi është një nga mënyrat më efikase për t’u ushtruar e për të mbajtur trupin në formë. Ndoshta jeni fillestar në vrap, ose mund ta keni praktikuar atë prej vitesh. Pavarësisht eksperiencës që mund të keni, çdo kush mund të përfitojë nëse vendos një objektiv.

Ja disa ide se si të organizoheni për të përfituar më tepër. Mundohuni t’i praktikoni në mënyrë sa më të arsyeshme. Ato duhet të jenë mbi të gjitha sfiduese, me qëllim që t’ju nxisin, por jo dhe aq të vështira sa të jenë gati të paarritshme për t’u realizuar.

Mbani një distancë të caktuar 
Ndoshta qëllimi juaj është të vraponi sa më tepër dhe për këtë zgjidhni distanca të mëdha. Nuk është qëllimi më i mirë ndoshta. Duhet të dini që nëse jeni një vrapues fillestar ju sugjerohet të mos lodheni shumë, të paktën jo që në fillim. Ndoshta qëllimi juaj është që çdo herë që vraponi të mbuloni një, dy apo tre kilometra. Megjithatë, ajo që është e rëndësishme për t’u theksuar është të zgjidhni një distancë jo shumë të madhe, pra diçka që mund të bëhet pa ju lodhur shumë.

Vraponi për një kohë të caktuar 
Dhe përcaktimi i kohës është një tjetër detaj që ka rëndësi. Në momentin që filloni të vraponi vendosni një minutazh të caktuar për një distancë të afërt, le të themi pesë minuta. Pasi do të shihni që pesë minutat kaluan shpejt, ju do të shtoni dhe pesë minuta të tjera. Sa më shumë të vraponi aq më tepër rezistencë do të krijoni dhe kështu do të rrisni minutazhin tuaj. Kjo është një strategji e mirë inkurajuese për të vrapuar sa më tepër.

Mbani të njëjtin ritëm 
Një tjetër element që duhet pasur parasysh është shpejtësia ose madhësia e hapit. Është mirë të ruani të njëjtin hap, pa e ndryshuar vazhdimisht atë. Nëse e filloni me hap të vogël përfundojeni në të njëjtën mënyrë, ose e kundërta. Herë pas here mund të vraponi më shpejt për të krijuar alternativa.

Nëse doni të digjni shumë kalori 
Nëse po vraponi për të humbur kile, do t’ju duhet të masni sa kalori po humbni. Ndaj për të arritur këtë ju duhet t’i masni ato përmes aparateve përkatës. Një pedometër (hapmatës) do t’ju ndihmonte duke ju dhënë këtë lloj informacioni, për të kuptuar më mirë energjitë e shpenzuara.

Si të vraponi më shpesh 
Nëse keni një regjim të tillë vrapi për të cilin duhet të vraponi të paktën një herë në javë, dhe do donit që ta rrisnit sasinë duke e praktikuar më shpejt, atëherë mund ta shtonit atë në dy ose katër herë në javë. Siguro¬huni që ky ndryshim të jetë pjesë e agjendës suaj.

Këshilla të tjera 
Sapo të keni përcaktuar qëllimet tuaja në lidhje me këtë sport të shëndetshëm dhe t’i keni përmbushur. ato, sigurohuni që çdo gjë të jetë jo e sforcuar. Shiheni vrapin dhe si një mënyrë për t’u argëtuar e për të çliruar energjitë negative. Për ta barë më të mundur këtë dëgjoni muzikë frymëzuese si dhe blini atlete dhe veshje komode. Do të ndiheni shumë më mirë nëse e trajtoni veten në mënyrën më të mirë që mbështet jetën tuaj aktive.

Burimi: telegrafi.com

Komento