Konsumimi i tepërt i sheqerit, vdekje e ngadaltë

Konsumimi i tepërt i sheqerit, vdekje e ngadaltë

Sheqeri dhe variacionet e tij të shumta të prodhimeve industriale, kushtojnë pak dhe u pëlqejnë të gjithëve.

Përveç cilësive të mira që mund të kenë gjërat e ëmbla ato mund të shkaktojnë edhe probleme të ndryshme. Pra jo vetëm kripa, alkooli dhe duhani, por edhe sheqeri është një ushqim vdekjeprurës, nëse e konsumojmë me tepricë.

Në 50 vitet e fundit është trefishuar doza e përditshme, ndërkohë që në SHBA ekspertët vlerësojnë se çdo ditë 500 kalori vijnë pikërisht nga ëmbëlsuesit. Përdorimi i tepërt i të ëmblave mund të sjellë një vdekje të ngadalshme, të shkaktuar nga hipertensioni, dëmtimi i mëlçisë deri edhe nga ç’ekuilibrimi hormonal që alteron prodhimin e insulinës, duke shkaktuar diabetin.

Këtë e kanë bërë të ditur disa studime të bëra nga universiteti i Kalifornisë në San Francisco, i cili nga ana tjetër synon edhe të këshillojë qeveritë dhe politikëbërësit që ta bëjnë më të shtrenjtë konsumimin e sheqerit.

Komento