Temperaturat e larta na mundojnë shumë, kur është në pyetje lëkura jonë. Njollat e errëta, puçrrat janë vetëm disa nga pengesat që shfaqen në stinën e verës.

Por, edhe pse e vështirë, shpëtim ka, dhe problemet e cekura në lëkurën e dëmtuar mund t’i “shpëtoni” në disa mënyra.

Definojeni llojin tuaj të lëkurës

Para se të filloni ta shpëtoni lëkurën, përkujdesuni t’i dini karakteristikat e saj bazë, këtu ju ndihmon dermatologu – ai do të ju këshillojë se në çfarë mënyre duhet ta trajtoni lëkurën e dëmtuar, si dhe çfarë lloji kremrave i përshtatet llojit tuaj të lëkurës.

Përdoreni mbrojtjen e duhur

Rrezet e dëmshme UV janë fajtorët kryesorë për shumicën e problemeve në lëkurë. Përdorimi i kremit për rrezitje me faktor mbrojtës është obligim, e jo çështje e vullnetit të mirë.

Kujdesi për lëkurën

Njëra nga gjërat e rëndësishme gjithsesi se është pastrimi i rregullt i fytyrës – çdo ditë pastrojeni dhe dhurojani lagështinë.