Stresi gjatë shtatzënisë, i rrezikshëm për fëmijën

Stresi gjatë shtatzënisë, i rrezikshëm për fëmijën

Stresi gjatë shtatzënisë, i rrezikshëm për fëmijënFemrat që gjatë shtatzënisë vuajnë nga stresi, për shkak të çështjes së parave apo problemeve të tjera, mund të lindin fëmijë të cilët rrezikojnë të vuajnë nga alergjitë ose nga astma.

Ky është përfundimi i një studimi të zhvilluar nga disa shkencëtarë amerikanë. Rezultatet që u paraqitën në një konferencë mjekësore në Toronto tregojnë sesi stresi, që mund të kalojë një nënë e ardhshme gjatë shtatzënisë, mund të ketë pasoja të rënda tek fëmija i saj.

“Studimi ynë i bashkëngjitet një numri gjithmonë në rritje kërkimesh shkencore që tregojnë se stresi që mund të kalojë një nënë, i cili mund të vijë si pasojë e problemeve ekonomike apo ndonjë problemi tjetër, lidhet me ndryshimet në zhvillimin e sistemit imunitar tek fëmijët edhe gjatë shtatzënisë”, thuhet në një deklaratë të profesoreshës Rosalind Wright, të Universitetit të Harvardit në Boston.

Wright dhe kolegët e saj kanë zbuluar se nënat, të cilat kalojnë një shtatzëni të qetë kanë më shumë mundësi të lindin fëmijë me nivel më të lartë imunoglobuline E o IgE, komponent i sistemit imunitar, edhe pse gjatë shtatzënisë mund të përballen me substancat që mund të shkaktojnë lloje të ndryshme alergjie.

Komento