Sipas të dhënave nga vet Microsoft, respektivisht departamenti i tij për tregun kinez, në vetëm dy muaj të prezencës atje, Windows Phone i Microsoftit ka pushtuar 7% të tregut.

Edhe pse kjo në shikim të parë nuk duket si pjesë e madhe, duhet pasur parasysh se Kina është treg gjigant dhe se, sa për krahasim, duhet thënë se iPhone i Apple pas prezencës dukshëm më të gjatë mban 6% të tregut. Bindshëm në pozitë shumë më të mirë janë, duhet thënë, pajisjet me Android të cilëve u takon 69% të tregut, respektivisht më shumë se dy të tretat.

Microsoft shpreson se do të rris posedimin e vet, e kësaj do të duhej ti kontribuojnë edhe aplikacionet për Windows Phone të shkruara apostafat për tregun kinez, e në të cilat momentalisht po punojnë rreth 2,500 njerëz në departamentin e Microsoftit për zhvillim dhe hulumtim.

Përveç shërbimeve standarde, të cilat më së shpeshti vijnë së bashku me telefon, ekziston edhe numri i madh i aplikacioneve të cilat ofrojnë mundësinë e shpejtë të komunikimit me miqtë për pak para.

Pra, përdoruesit e telefonave “të mençur” kryesisht dëshirojnë të shfrytëzojnë tërë potencialin që ua ofron pajisja e tyre.

Njëra nga përparësitë është edhe ajo që nëpërmjet tij mund të lidhen me miqtë pa ndërprerje, përkatësisht që të jenë në dispozicion sikur kur është rasti kur të gjenden para kompjuterit.

Ekziston numri i madh i programeve të cilat shfrytëzohen, ndërsa shumica janë pa pagesë dhe mbështeten vetëm në lidhjen në internet. Në vazhdim do t’ua prezantojmë disa nga më efikaset.

Nimbuzz

Ky aplikacion “mbledh” të gjithë miqtë e një përdoruesi, nga të gjitha “chat-et” dhe rrjetet shoqërore. Kështu në një vend mund të inkorporohen të gjithë njerëzit nga “Facebook”, “GTalk”, “Yahoo”, “MSN”. Punon në: “Android”, “iOS”, “Blackberry”, “Symbian”.

Imo

Edhe një program i cili integron të gjitha kontaktet në një vend, vetëm se këtij mund t’i shtohen edhe njerëzit nga “Jabber”, “MySpace”, madje dhe nga “ICQ”. Gjëja e mirë është se për shfrytëzimin e këtij aplikacioni nuk ka nevojë që të bëhet regjistrim i veçantë për qasjen në këtë shërbim.

Punon në: “Android” dhe “iOS”.

WhatsApp

Numri i madh i përdoruesve shfrytëzon këtë program pikërisht për shkëmbimin e këtillë të porosisë. Natyrisht, përveç kësaj mund të dërgohen edhe përmbajtje multimediale.

Punon në: “Android”, “iOS”, “Blackberry”, “Symbian”.

Viber

Për një kohë shumë të shkurtë ky program është bërë jashtëzakonisht i popullarizuar në mesin e përdoruesve në tërë botën. Përveç që ofron mundësinë e shkëmbimit të porosive, këtu janë edhe thirrjet të cilat mund të realizohen me këdo në botë për çmimin e lidhjes në internet.

Punon në: “Android” dhe “iOS”.

eBuddy

Program shumë i shpejt dhe stabil për shkëmbimin e fotografive dhe multimediave të tjera. Harxhon shumë pak për punë dhe është e lidhur me të gjitha shërbimet që nga “Facebook” e deri te “GTalk”.

Punon në: “Android” dhe “Symbian”.

Programet standarde për bisedë

Ekzistojnë aplikacionet origjinale të cilat janë të lidhura kryesisht me shërbimet si “Messenger”, për “Facebook” apo “Skype”, të cilat punojnë bukur mirë. Megjithatë, aplikacionet e përmendura më lart ofrojnë më shumë opsione, janë më stabile dhe mund të lidhen me shumë shërbime në një vend.

Për një ndërmarrës, strategjia e marketingut është e suksesshme nëse ndër tjerash arrin rritet sasia e shitjes së një produkti.

Për realizimin e këtij qëllimi, rol vendimtare luan qasja e kompanisë suaj ndaj marketingut në internet. Prezenca juaj vetëm ne media tradicionale, sot nuk mjafton. Përhapja e madhe e internetit në gjithë botën, si dhe rritja e përdoruesve të rrjeteve sociale, ka bërë që suksesi i një kompania të varet kryesisht nga marketing në internet.

Ne vazhdim ne do ti paraqesim pese benefite te cilat kompania juaj I ka nga marketing ne internet.

1. Reklamimi me buxhet të vogël, këtë e ofron kryesisht marketingu në internet. Përderisa kostoja në TV për një sekondë është jashtëzakonisht e lartë për një biznes të mesëm dhe të vogël, kurse në anën tjetër mosinteresimi për leximin e gazetave e bënë që reklamimi në këtë medium të jetë i jo suksesshëm, marketingu në internet ofron kosto të cilat i përshtaten çdo biznesi, dhe mundësi të shumta reklamimi.

2. Çdo produkt apo shërbim e ka edhe audiencën/konsumatorët e vet. Ju si biznes duhet të siguroheni që mesazhi juaj arrin te personat e duhur. Targetimi i audiencës është një tjetër element i rëndësishëm i kampanjës suaj. Për dallim nga media tradicionale, mundësin e targetimit të audiencës e ofron kryesisht marketingu në internet.

3. Marketingu në internet ju lejon që ju në kohe reale t’i përcillni rezultatet e kampanjës suaj, si dhe ta menaxhoni atë në kohë reale.

4. Nëse ju dëshironi që kompania juaj të promovohet me shumë se vetëm brenda kufijve të vendit tuaj, kjo gjë është shumë më e lehtë dhe më efektive të realizohet përmes marketingut në internet.

5. Përderisa përmes medieve tradicionale, ju mund të zgjidhni vetëm një formë te marketingut, përmes marketingut në internet ju mund të kombinoni disa forma për kampanjën tuaj duke përfshirë banerët, artikuj të sponzoruar, promocion në media sociale, etj.

Këto janë disa nga benefitet e marketingut në internet. Për më gjerësisht, të gjithë të interesuarit do ta kenë mundësinë që me 4 Maj të jenë pjesëmarrës të KosoWWWeb Conference, konferencë e parë për marketing dhe shitje në internet.

Kur kombinohen kompanitë si Apple dhe Facebook, me qeverinë e një vendi ato e shkatërrojnë lirinë në internet, thonë themeluesit e Google, rusi Sergey Brin dhe amerikani Larry Page.

Ndalimi i të drejtave në internet është bashkërendim i disa faktorëve, si: dëshira e qeverive të shteteve të ndryshme t’i kontrollojnë qytetarët e tyre, lufta kundër piraterisë e cila e zhvillon industrinë e argëtimit, si dhe vendosja e “kufizimeve” nga kompanitë si Facebook dhe Apple, thekson themeluesi i Apple, Sergey Brin. 

“Fuqitë botërore i kanë bashkuar forcat e tyre kundër lirive në internet. Unë asnjëherë më parë nuk kam qenë kaq i brengosur” thotë Brin në intervistën e dhënë për The Guardian.

Kjo brengë vlen për vendet si Irani apo Arabia Saudite, të cilat gjithnjë mendojnë se si ta censurojnë internetin, ka vlerësuar themeluesi i Google.

Një refuzim miqësie në Facebook, është i barabartë me një të tillë të bërë nga një person real. Kjo gjë mund të kontribuojë për të ulur vetëvlerësimin te ata që janë refuzuar.

Eshtë pikërisht një studim i ri i cili tregon se një refuzim virtual në Facebook, të “dhemb” si një refuzim i bërë prej vërteti mes miqsh.

Dhe që të të injorojë një person nëpërmjet internetit, shkakton në fakt, reagime emocionale dhe psikologjike të ngjashme me ato që ndodhin në një situatë ballë për ballë.
“Facebook është përdorur nga mbi 800 milion njerëz për të ruajtur marrëdhëniet shoqërore. Megjithatë, është përdorur shpesh për të përjashtuar apo edhe injoruar dikë me lehtësi, pa sikletin e largimit prej tij personalisht,” thotë Joshua Smyth, një profesor në universitetin e Penn në SHBA.

Hulumtuesit e këtij studimi, zhvilluan dy eksperimente paralele për ndërveprim social midis grupeve reale dhe vrituale të njerëzve.

Dhe arritën në përfundimin se efekti i ndarjes dhe refuzimit, ishte i njëjtë.

Facebook, nuk është më në ditët e tij të lavdishme. Pasi hallet, duket se kanë nisur edhe për të.

Kjo të paktën, sipas vlerësimit më të fundit ecurisë së fshirjes të “friends”-ave nga përdoruesit e këtij rrjeti të njohur shoqëror.

Ai tregon se ky tregues dikur mjaft pozitiv i Facebook-ut, tashmë shënon rënie në pikiatë, një dukuri kjo e cila mund t’i kushtojë shtrenjtë rrjetit të themeluar nga Zuckerberg.

Kjo është vlerësuar si një tendencë shqetësuese në rritje, duke bërë që Facebook, të konsiderohet gjithmonë e më pak si një rrjet ku mund të përfitohen miqësi të reja. Pasi nëse përdoruesit do të nisin të mos i pranojnë gjithmonë e më shumë kontaktet e reja në këtë rrjet shoqëror, do të bjerë me siguri edhe kredibiliteti i tij.

Tendenca për të fshirë kontaktet, tregon se është kryer nga gati gjysmë miliardë përdorues të Facebook gjatë vitit të kaluar.

Sistemi operativ ‘Windows XP’ ka humbur më shumë përdorues në favor të sistemit ‘Windows 7′ muajin e kaluar, por platforma e vjetër vazhdon të jetë sistemi më i popullarizuar i kësaj dekade.

Duka vështruar statistikën e përdorimit të sistemeve operative në muajin shkurt, ‘Net Aplications’ ka konstatuar se përqindja e ‘Windows XP’ ka rënë në 45 për qind nga 47 për qind sa ishte në muajin janar.

Njëkohësisht ‘Windows 7′ ka arritur në 38 për qind në krahasim me 36 për qind sa ishte një muaj më parë.

Shifrat më të reja tregojnë trendin e humbjes graduale të përqindjes nga ana e ‘Windows XP’ dhe rritjen e përqindjes së ‘Windows 7″, kështu që mund të pritet që së shpejti do të bëhet një ndryshim sa i përket sistemit më të përdorur në treg.

Prej 1 marsit në skenë (kushtimisht) në fuqi hyjnë rregullat e reja të Google për privatësinë (ose mungesën e saj) në shërbimet e Google.

Sipas rregullave të reja Google dëshiron të “ketë të drejtën” (të cilën kurrë nuk ia keni dhënë) që të kombinojë të dhënat dhe informatat për ju dhe sjelljet tuaja në Internet nga shërbime të ndryshme të Google që i shfrytëzoni.

Frika është që edhe pse të dhëna të ndryshme të pandërlidhura nga shërbime të ndryshme më vete nuk flasin aq shumë për ju, me kombinimin e tyre ka mundësi që të vihet deri tek të dhënat e detajuara nga profili për secilin shfrytëzues, dhe atë deri në shkallën e cila zakonisht është e pakapshme edhe për agjencitë e specializuara qeveritare dhe ndihmësit e tyre.

Nëse nuk dëshironi që të ndodhë kjo një prej mënyrave që të mashtroni Google është që të fshini web-historinë tuaj – historinë e shëtitjeve tuaja nëpër web që përfshin fjalët kyç që keni kërkuar, faqet që keni vizituar, videot që i keni shikuar, etj.

Këtë mund ta bëni ashtu që logoheni në accountin tuaj të GOogle në Gmail ose Google+ dhe në shiritin e adresës e futni https://www.google.com/history. Nëse e keni të aktivizuar shënimin e web-history, do të shihni listën e kërkimeve dhe faqeve të cilat i keni vizituar. Klikoni në “Remove all Web History” për të fshirë tërë historinë tuaj dhe më vonë klikoni për ta konfirmuar këtë.

Mënyra tjetër është që të logoheni në accountin tuaj në Gmail dhe duke klikuar në parametrat e accountit tuaj në këndin e sipërm të djathtë zgjidhni Account Settings. Në ekranin tjetër që ju shfaqet zgjidhni Services dhe Go to web history dhe fshin historinë tuaj nga Google.

Grupi punues Neni 29 (Article 29 }orking Party) është deklaruar pardje me një deklaratë duke thënë që rregullat e reja të Google shkelin ligjet e BE-së dhe nuk duhet të aplikohen për shfrytëzuesit e BE-së, siç ka paralajmëruar tashme dhe në letrën e vet më herët. Sipas agjencisë franceze për mbrojtjen e informatave rregullat e reja shkelin Ligjin e BE-së për mbrojtjen e informatave, ndërsa në përgjithësi rregullat e Google janë të thurura ashtu që janë të pakuptueshme edhe për ekspertët juridikë.