Mozilla po e zhvillon sistemin e lajmërimeve për ueb aplikacione. Ngjashëm si në telefonat celularë, do të përdoren push lajmërimet (notifikacionet), e me këtë do të eliminohet nevoja që aplikacioni të jetë i ngarkuar.

Zgjidhjet e ngjashme tashmë ekzistojnë. Për shembull, në Chrome mund të pranohen lajmërimet nga Gmaili, por për këtë funksionalitet duhet pasur të ngarkuar ueb aplikacionin në fletëzën e shfletuesit. Sistemi i Mozillas do të punojë pa pasur nevojë për këtë, e së paku në teori, lajmërimet do të mund të përdoren edhe në pajisjet mobile.

Funksionaliteti momentalisht është në fazën e planifikimit, e para Mozilles është ende edhe shumë punë, por nëse standardi “pranohet”, kjo ende do të jetë një arsye më pak për përdorimin e aplikacioneve native në vend të atyre në ueb. Gjithashtu, për klasat e caktuara të aplikacioneve do të eliminohet nevoja për zhvillimin e disa versioneve, të ndara për secilën platformë.

Twitter gjatë ditës së enjte lajmëroi që e ka teknologjinë që mund të bllokojë cicërimet e përzgjedhura në shtetet e veçanta.

Më parë, nëse një qeveri diku në botë e kishte bërë ndonjë kërkesë të ligjshme për të bllokuar një cicërimë, Twitter duhej ta bllokonte atë cicërimë në mbarë në botë.

“Duke filluar që sot, ne ia japim vetes mundësinë që në mënyrë reaguese të ndalojmë përmbajtje nga përdoruesit në një shtet të posaçëm – derisa e mbajmë atë të gatshme në tërë botë” thuhet në blogun e ndërmarrjes Twitter.Kjo është ajo që do të shihet nëse një cicërimë ndalohet në një shtet të caktuar:

“Ne ende nuk e kemi përdorur këtë aftësi, por nëse dhe kur ne na kërkohet që ta ndalojmë një cicërimë në një shtet të veçantë, ne do të përpiqemi që t’ua bëjmë me dije përdoruesve, dhe ne atë qartësisht do ta shenjojmë kur përmbajtja do të jetë fshehur,” thuhet më tej.

Pyetja më e pritshme tani mund të jetë se çka do të bëjë Twitter kur ata që e duan lirinë, si ata që kanë marrë pjesë në pranverën arabe gjatë vitit të kaluar, cicërojnë mospajtueshmërinë ose e përdorin shërbimin për të organizuar ndonjë protestë. A do të pajtohet Twitter nëse një qeveri diktatoriale dëshiron t’ua mbyllë gojën njerëzve të vet.

Qeveritë autoritare zakonisht e injorojnë rrjetin Twitter ose e ndalin tërë shërbimin, thotë ndërmarrja. Ata nuk kërkojnë që të kufizohen cicërime të posaçme. Kur Twitter e bllokon përmbajtjen, ky rrjeti do të postojë një lajm për veprimin e vet në Chilling Effects, që është ky një projekt i bashkuar për të drejtat online nga Fondacioni Kufijtë Elektronikë dhe shkollat ligjore në Harvard, Standford, Berkeley, Universiteti i San Francikos, Universiteti i Maines dhe Universiteti George Washington dhe Shkolla Universitare e Ligjit Santa Clara.

Faqja e tanishme Chilling Effects e rrjetit Twitter për momentin paraqet që ndërmarrja Twitter ka bllokuar një numër të cicërimave për shkak se ato përfshijnë shkelje të dyshuara të Digital Millenial Copyright Act (DMCA).

Kjo varësi e cila deri tani është definuar si çrregullim në kontrollimin e impulseve, dëmton materien e bardhë të trurit dhe nxit reaksione të varësisë, në mënyrë të ngjashme si te narkomanët.

Varësia nga Interneti pengon punën e qelizave nervore te adoleshentët dhe shkakton dëmtim të trurit ngjashëm si tek ata që janë të varur nga drogat, ka zbuluar studimi i Akademisë kineze të Shkencave nga Wuhan, i kryer në 17 persona të varur nga interneti dhe 16 që nuk kishin varshmëri.

Shkencëtarët kanë përdorur pajisjen për rezonancë magnetike për të incizuar ndikimin e Internetit në strukturën e trurit, bën të ditur Daily Mail.

Adoleshentët që janë të varur nga interneti kanë dëmtime në materien e bardhë të trurit e cila lidhë pjesët vitale përgjegjëse për emocione, vendimmarrje dhe vetëkontroll. Varësia e tillë për një lloj të caktuar të sjelljes mund të shkaktojë dëmtime të njëjta fizike si edhe varësia nga drogat. E  karakterizon përdorimi i pakontrolluar i Internetit i cili ndikon në kualitetin e jetës së tyre. Nëse u ndalohet qasja në kompjuterë, tek të varurit shfaqet dridhje e trupit, mendime obsesive dhe lëvizja e gishtave sikur gjatë shtypjes në tastierë.

“Hulumtimi ynë tregon se si të varurit nga interneti kanë struktura të dëmtuara të fijeve nervore çka rezulton në ndryshimet në sjellje. Këtë e dëshmon matja e lëngjeve në ind apo anizotropia fraksionale. Rezultatet tregojnë që në trajtim duhet të fokusohemi në materien e bardhë”, thekson udhëheqësi i studimit, dr. Hao Lei.

Për shkak të dëmtimit çrregullohet edhe niveli i mielinës, shtresës së yndyrshme izoluese e cila mbështjellë qelizat nervore dhe u ndihmon të funksionojnë, shtoi ai.

“Abnormalitetet në materien e bardhë dhe në pjesët e tjera të trurit nuk janë karakteristike vetëm për të varurit nga drogat dhe alkooli, por edhe për një sjellje të caktuar. Varësia nga interneti është e karakterizuar si çrregullim i kontrollit të impulseve, dhe jo si varësi “e vërtetë” por edhe kjo do të ndryshojë”, pohon dr. Henrietta Bowden-Jones nga Imperial College në Londër.

Hulumtimet e mëhershme tregojnë deformimet e materies së bardhë tek të varurit nga alkooli, kanabisi, kokaina dhe ketamina.

Privatësia në internet është një nga ato çështje që rrallë të vjen ndërmend. Nëse vërtet i druheni privatësisë, ndoshta nuk po e përdorni fare internetin.

“Facebook”-u pati disa probleme vitin e kaluar pikërisht për çështjet e privatësisë dhe jo sepse bëri diçka diçka të dëmshme kundrejt përdoruesve, por sepse nuk u tregua transparent lidhur me ndryshimet që po bënin.

Në të vërtetë, sa e rëndësishme është privatësia juaj? Ndërsa mendoj për “Facebook Timeline” (Kohështrirja) çuditem se sa shumë njerëz harxhojnë kohën e tyre për t’u kthyer pas dhe për të shtuar detaje të jetës që janë shumë personale. Gjëra të tipit kur blenë shtëpinë e parë apo sëmundjet e kaluara të bëjnë të mendosh nëse “Facebook” po na kërkon shumë.

Që kur “Kohështrirja” u bë e përdorshme nga çdo njeri, është shokues informacioni që njerëzit po shtojnë në rrjetin social. Një gjë e tillë të bën të mendosh se ata nuk shqetësohen fare për privatësinë kur vjen puna te “Facebook”-u. Në të kundërt nuk do të ndanin çdo lloj informacioni. Për shumicën, ia vlen rreziku.

Por ajo që të vjen ndërmend të pyesësh është: “Për çfarë po rrezikohet?” Vitin e kaluar, aktivisti politik dhe i internetit Eli Pariser foli lidhur me çfarë “Facebook” dhe “Google” po na fshehin kur vjen puna te informacioni që ata përdorin dhe si e përdorin atë.

Pariser shpjegon se si të dhënat e mbledhura nga “Google” në rastet kur ne klikojmë mbi diçka që po kërkojmë apo kur klikojmë për një shërbim më të mirë. Një gjë e tillë në të vërtetë duket si një përmirësim i jetës dhe jo si një prekje e privatësisë për mua. Në të njëjtën mënyrë edhe “Facebook”-u po kërkon lidhur me gjërat që ju pëlqeni (apo “like”) në lidhjet e jashtme dhe në cilat prej tyre klikoni në mënyrë që t’ju japin një përvojë më të mirë. Në këtë mënyrë, edhe nëse e dini apo jo, ju nuk arrini të kuptoni sasinë e informacionit që vjen tek ju përmes “Facebook”-ut. Në ndërhyrjet e mëparshme ju mund ta anashkalonit një gjë të tillë. Por kompania ka vënë rë se përdoruesit nuk reagojnë mbi përmbajtjen dhe aq shumë kur ajo vjen në një kohë reale, kështu që ka nisur të veprojë në një mënyrë më të zgjuar në mënyrë që t’i bëjë gjërat më tërheqëse. E sërish kjo duket si një gjë shumë e mirë. Për aq kohë sa nuk ju kërkohet të përdorni “Google”-n apo “Facebook”-un, ndërveprimi juaj është tërësisht opsional. Sidoqoftë, sa më shumë të ndërveproni, aq më shumë “Google” dhe “Facebook” mësojnë për ju. Kjo i tremb njerëzit deri në momentin që kujtohen se ata janë thjesht një pikë ujë në një oqean të mbushur me miliarda ndërveprime çdo ditë. Asnjë person s’po kërkon të shohë adresën tuaj, kërkimet apo klikimet që keni bërë.

Besoj se “Facebook” mund të bëjë një punë më të mirë duke i mësuar njerëzit se si të përdorin kontrollin e privatësisë së tyre dhe normalisht që Korporata për Mbrojtjen e Përdoruesve është dakord me një gjë të tillë. Nga ana tjetër nuk besoj se ky rrjet po na përdor më shumë seç po e përdorim. “Facebook” kushton para për t’u mbajtur. Edhe “Google” gjithashtu, kështu që nuk mund të presim që të mos përdoren reklamat. A po i përdorin këto kompani të dhënat dhe ndërveprimet që ne u japim për të bërë para për vete? Po, dhe kjo është e drejtë. Sepse kështu funksionon biznesi.

Kujtoni se mënyra më e mirë për të ruajtur privatësinë tuaj në internet është që të mos ndani gjithçka me të gjithë. Nuk ka ligje që ju kërkojnë të hidhni edhe informacionin për macen tuaj në “Kohështrirje” por “Facebook” do të jetë i aftë që të bëjë marketing për produktet e kafshëve nëse ato ju pëlqejnë.

Për 60 sekonda Google u përgjigjet rreth 700 000 kërkesave për kërkim, shkarkohen rreth 600 video në Youtube, publikohen 500 000 komente  në Facebook, shkëmbehen mbi 90 000 Twiter, dërgohen 168 milionë e-maile, 232 kompjutera preken nga virusi dhe dy milionë persona shikojnë filma porno.

E gjitha kjo ndodh në internet për vetëm 60 sekonda, çka flet për shkëmbimin e paimagjinueshëm të informacioneve përmes këtij rrjeti”, thekson Go-Gulf.com.  

Me të vërtetë është vështirë të imagjinohet volumi i informacioneve, të cilat janë dixhitalizuar në çdo moment nga individë dhe ndërmarrje. Sipas ekspertëve, të cituar nga e përditshmja “Le Figaro”, njerëzimi për vetëm dy vjet krijoi më shumë informacione sesa gjatë gjithë historisë së tij. Vetëm në Facebook, shfrytëzuesit e tij çdo muaj shtojnë rreth 30 miliardë dokumente të reja. Tanimë llogaritë nuk bëhen më në mega, giga ose në tetra bite, por në zetabite, e barabartë me 1 099 511 627 776 gigabite. Gazeta “Le Figaro” ka shpjeguar se ky numër përputhet me gjysmën e rrugës që lidh planetin Tokë me planetin Mars me kompakt disqe./ikub/

Ky rrjet shoqërorë posa ka plasuar opsionin e ri “Suggested Events” (ngjarjet e sugjeruara) i cili përdorë informatën e juaj nga check-in për të theksuar ngjarjet të cilat ndoshta do të dëshironit ti bëni në botën e vërtetë.

Suggested Events zëvendësoi opsionin e mëhershëm Friends Events dhe ende nuk është në dispozicion në të gjitha profilet. Ose Facebooku do ta paraqes atë gradualisht ose për shembull ndoshta ende nuk keni përdorur asnjëherë opsionin check-in.

E nëse keni opsionin në fjalë në profilin tuaj atëherë ja se çfarë duhet të bëni:

Shkoni në Home Page, në anën e majtë klikoni në Events. Si dhe deri tani, ngjarjet e ndryshme që duhet të ndodhin në të ardhmen e afërt do të paraqitet në anën e djathtë të ekranit tuaj.

Por tani nën Events do të shihni edhe menynë Suggested Events. Klikoni mbi të dhe do të shihni listën e ngjarjeve të propozuara që do të mbahen gjatë ditëve, javëve ose muajve në vijim.

Pra, Facebook do të përdor informatat që ka grumbulluar rreth juve që të ju propozoj ca vende tjera në të cilat ndoshta dëshironi të shkoni? Natyrisht ka të atillë që mund të “rrëqethen” nga ky fakt, por të tjerët do të përshëndesin propozimet që kanë të bëjnë me vendet në të cilat ata kanë qenë ose në të cilat do të dëshironin të shkojnë.

Por nga ana tjetër duhet thënë se nuk e dimë se çfarë mund të ndodhë kur Suggested Events do të mundësohet në aplikacionet për iOS dhe Android.

Përgjigja përfundimtar nga Facebook ende është duke u pritur.

Facebook shumë shpejt do të sjellë një shërbim të ri për administratorët e faqeve (Fan page) në rrjetin social. Bëhet fjalë për lejimin e komunikimit me anëtarët e faqes – pasi deri më tani kjo nuk është e mundur me anë të komunikimit privat.

Drejtuesit e Facebook kanë njoftuar se kanë nisur testimin për këtë shërbim por ende nuk dihet se kur do jetë i mundshëm për shfrytëzim nga përdoruesit dhe administratorët e faqeve.

Kjo gjë do të lejonte që administratorët të komunikojnë me anë të chat-it privat me anëtarët e faqeve dhe jo me anë të wall-it siç ndosh aktualisht.

Gjatë kësaj jave është zbuluar se Facebook është duke e testuar një funksion të ri në kuadër të faqeve, i cili do tu mundësonte administratorëve të tyre komunikimin privat.

Lajmi për testimin e këtij funksioni është bërë i ditur nga WeAreSocial, ndërsa tani është vetë rrjeti social Facebook që e ka konfirmuar një gjë të tillë.

Shërbimi i ri i dërgimit të porosive private brenda faqeve i lejon pronarët e faqeve të komunikojnë privatisht dhe jo vetëm përmes murit.

Megjithatë, asnjë informacion nuk është dhënë lidhur me datën e fillimit të shërbimit për përdoruesit e Facebook të cilët posedojnë një faqe të caktuar në këtë rrjet social.