Se peshku të bën mirë është konfirmuar prej kohësh nga dietologët, por shumë nuk i dinë arsyet dhe ndoshta nga këtu rrjedh mungesa apo neglizhenca e konsumimit të tij në tryezë.

Peshku është i mirë për shëndetin tuaj dhe mbajtjen e linjës së trupit. Ai përmban mes 15 dhe 25 për qind proteina, ka një sasi modeste të lipideve dhe një përqindje të vogël të karbohidrateve. Gjithë pjesa tjetër është ujë. Kjo është arsyeja pse rekomandohet për ta vendosur atë në dietat e zakonshme.

Megjithatë, peshku është i pasur me përbërës themelore të tilla si fosfori, vitamina dhe acidet yndyrore esenciale. Vlera ushqyese më e rëndësishme është Omega 3, një lloj acidi yndyror që është thelbësorë për tu mbrojtur kundër sëmundjeve kardiovaskulare.

Proteinat e peshkut janë më të plota, sepse përmbajnë tetë aminoacidet esenciale dhe janë thelbësore për rigjenerimin e qelizave dhe rregullojnë metabolizmin. Peshku është gjithashtu i pasur në vitamina (veçanërisht A, B1, B2 dhe B12), jod kalcium, selen.

Me gëzim keni pritur pranverën, e tash ndiheni të lodhur, pa vullnet dhe nuk keni forcë as të kryeni aktivitetet e zakonshme e lëre më të kënaqeni me ditët e ngrohta me diell.

Këto janë simptomat e lodhjes pranverore, prej të cilave, sipas disa vlerësimeve, nga viti në vit vuan çdo i dhjeti njeri në planet. Kjo gjendje vjen si pasojë e mënyrës së jetës gjatë stinëve të vjeshtës dhe asaj të dimrit. Ushqimi i rëndë me pak vitamina dhe minerale, rreze të pakta të diellit dhe aktivitete të pakta fizike sjellin në rënien e energjisë.

Mirëpo, me ndryshimin e mënyrës së të ushqyerit dhe me një shëtitje të lehtë në natyrë shumë shpejt përsëri do të jeni në formë. Kur bëhet fjalë për mënyrën të ushqyerit, së pari do të duhej ta kufizonit konsumin e sheqerit dhe yndyrave. Ëmbëlsirat do t’jua kthejnë energjinë për një moment por kjo ndjenjë nuk do të zgjatë për shumë kohë.

Shumë shpejt do të vijë deri tek rënia e shpejtë e nivelit të sheqerit në gjak dhe do të ndiheni edhe më të lodhur. Prandaj përqendrohuni tek ushqimet me karbohidrate, ngase ato janë aleati juaj më i mirë për ta luftuar lodhjen pranverore. Këto janë patatet, makaronat dhe prodhimet e tjera të drithërave.

Nutricistët theksojnë se edhe sasi të vogla të karbohidrateve mjaftojnë që organizmi ta nxitë prodhimin e vet të serotoninës, hormoni i cili dhuron ndjenjën e lumturisë. Menyja juaj duhet të jetë e pasur me shujta të lehta, me pemë dhe perime të freskëta.

Mos hiqni dorë nga dy-tri shujtat kryesore dhe nga dy zamrat, por ato duhet të jenë të përshtatshme me moshën tuaj, aktivitetin tuaj dhe problemet kronike. Me rëndësi të veçantë është të mos tejkaloni kafjallin. Nëse nuk keni aq sa duhet kohë për zamra, atëherë mund të përdorni edhe pemë të freskëta. Magjistari i vogël që largon lodhjen konsiderohet të jetë vitamina C, prandaj konsumoni kivi, portokaj dhe limon.

Lëngu i limonit dhe portokallit përdoret edhe për përzierje në sallatat me pemë dhe perime. Le të gjenden edhe specat dhe majdanozi në tryezën tuaj, sepse janë të pasur me vitamina. Po ashtu duhet të konsumoni mollët dhe bishtajoret përderisa supa dhe gjellët duhet të jenë pjesë e pandashme e drekës. Në luftën kundër lodhjes pranverore përfshihet edhe mishi i peshkut. Hulumtimet më të reja tregojnë se ushqimi i pasur me mish peshku ofron energji shtesë.

Nëse e ndieni veten të lodhur dhe të përgjumur, atëherë me siguri se ju mungon hekuri. Ky mineral luan rol të rëndësishëm në ndërtimin e hemoglobinës dhe është shumë i rëndësishëm për sistemin imun. Meshkujt kanë nevojë për 10, ndërsa femrat për 15% hekur brenda ditës. Burimet kryesore të hekurit janë soja, spinaqi, mishi i kuq,peshku, arrat, bademi, farat e lirit.

Është dëshmuar se vlera e këtyre perimeve qëndron në faktin se shërojnë shumë sëmundje.

* Për dhembjet reumatike: lahet fleta e lakrës, i hiqen damarët, hekuroset me cilindër ose me një shishe që të rrafshohet. Kjo fletë vihet në vendin me dhembje dhe mbulohet me leckë liri, duke e përforcuar me fashë. Kjo përsëritet tri herë në ditë.

* Për ishijas: fleta e lakrës zihet dhe derisa është e nxehtë, vihet në vend me dhembje. Mënyra e dytë: fleta rrafshohet duke u nxehur me anë të ujtisë dhe vihet në vend me dhembje.

* Për vena të zgjeruara: dy herë në ditë vihen fletët e lakrave në plagë të shkaktuara nga venat e zgjeruara, që nga shputat deri lart.

* Për djegie: fletët e lakrës të freskët vihen mbi vend të djegur; njësoj veprohet edhe kur plaga përgjaket, nëse keni të thatin në trup, por edhe kur pëlcet koka nga dhembja.

* Për bronkit: vihen 3-4 fletë lakre në gjoks dhe në shpinë, aty ku dhembjet janë më të mëdha, përforcohen me fashë dhe mbahen tërë natën.

Në vend të fletëve, si fashë mund të përdoret edhe rasoji. Lecka laget në rasoj, nxehet dhe ndërrohet çdo gjysmë ore deri në 45 minuta. Nëse rasoji është fortë dhe fillon kruarja, atëherë zbutet me pak ujë. Fasha e këtillë mund të ndihmojë edhe tek kafshimi i insektit, te ndezja e venave dhe te të thatët. /Telegrafi/

Tashmë dihet se jogurti probiotik mund të ndihmojë në qetësimin e problemeve të stomakut, por tashmë ekspertët theksojnë se jogurti përmirëson burrërinë.

Fakt, shkencëtarët e Institutit Teknologjik të Masaçusetsit kanë zbuluar se si minjtë, të cilët brenda ditës kishin marrë një dozë jogurt, për 5 deri 15 për qind më shumë rëndojnë testiset e tyre, se sa ata që kishin konsumuar muzikë klasike. Pos kësaj, ata minj që kishin konsumuar jogurt shumë më shpejt dhe më lehtë kishin fekonduar minjtë femra.

Rezultat e këtij hulumtimi do të mund të kenë implikime në pjellorinë njerëzore, e shkencëtarët shumë shpejt do të fillojnë të hulumtojnë nëse mund ta ndërlidhin konsumimin e jogurtit dhe cilësinë e spermës tek meshkujt.

Deri tek ky zbulim shkencëtarët arritën krejt rastësisht, derisa po hulumtonin ndikimin e jogurtit në mbipeshë. Në mënyrë që të vërtetojnë se konsumimi i jogurtit mund të parandalojë grumbullimin e kilogramëve shtesë në moshë të pjekur, minjve u kishin dhënë jogurt me shije të vaniljes.

Ushqimi është karburanti ynë i cili na dhuron energji, por në rast se zgjedhim llojin e gabuar të ushqimeve, atëherë kjo na ngadalëson, na bën të dukemi më të vjetër dhe më të lodhur. Kemi ndarë vetëm pesë ushqime të cilat sa më pak duhet t’i konsumoni dhe sa më pak të jenë në menynë tuaj.

Sheqeri

Truri juaj ushqehet me glukozë. Mirëpo, për dallim nga organet e tjera, ai nuk është në gjendje të ruajë rezervat – pa marrë parasysh se sa shumë pranon, gjithçka dhe menjëherë do të shkojnë në gjakrrjedhje. Prandaj, shujta apo pijet e ëmbla janë si një injeksion glukoze për trurin tuaj apo merrni një goditje të përkohshme, që shpesh zhduket dhe truri është në krizë. Ndieni lodhje, ju dhemb koka, nuk keni diskonim dhe nuk mund të përqendroheni. Hulumtime të shumta kanë vërtetuar se konsumimi i tepërt i sheqerit shkurton jetën, prandaj mu për këtë arsye e thërrasin “vrasësi i bardhë”. Nga të gjitha ushqimet është pikërisht sheqeri që përshpejton plakjen.

Kripa

Natriumi dhe klori – dy përbërësit e kripës – janë minerale të rëndësishme që kujdesen për sistemin nervor dhe atë të eshtrave. Kripa është një erëz e thjeshtë në ushqim, por edhe në perimet e konservuara, djathë, supë. Nëse e përdorim në sasi të tepruara është tepër e dëmshme për rininë tonë, sepse po ashtu kripa përshpejton plakjen. Prandaj, mjekët ju sugjerojnë që brenda një dite të vetme të mos konsumoni më shumë se tre gramë.

Qumështi i lopës

Edhe pse qumështi i lopës është i pasur me kalcium, vitamina dhe proteina, ai po ashtu aktivizon katër procese të plakjes – ngadalësimin e tretjes, infeksionet, çrregullimet hormonale dhe formimin e thartirës. Duhet pasur kujdes edhe në derivatet e qumështit në bukë, ëmbëlsira, keksë dh ushqime të grimcuara. Do të ishte më mirë ta konsumoni qumështin dhisë apo të deles sepse është shumë më i pasur me minerale dhe vitamina.

Mishi

Proteinat nga mishi ndikojnë në ndërtimin muskujve, ligamenteve dhe lëkurës, por ky artikull vë në lëvizje pesë proceset e plakjes ngase është shumë i pasur me yndyra të ngopura dhe është i pasur me shumë kalori. Mishi po ashtu posedon nivel të lartë të materieve kancerogjene, ngase pjekja ndikon në ndryshimin e ADN-së, lajmërimin e radikalëve të lirë dhe ndikon në shtimin e stresit. Në tryezën tuaj më shpesh le të shërbehet mishi i peshkut që është zgjedhja më e mirë për proteina. Burimet e tjera të shëndetshme janë vezët, drithërat, bishtajoret.

Yndyrat e këqija

Secila qelizë në trupin tonë posedon një shtresë mbrojtëse me yndyrë dhe proteina. Nëse kjo pjesë e jashtme mbrojtëse përbëhet nga yndyrave mira, kjo ju ndihmon qelizave të absorbojnë materie ushqyese dhe ujë. Mirëpo, nëse bëhet fjalë për shtresën që nuk është fluide shkaku i ushqimit dhe sasisë së lartë të yndyrave të këqija, atëherë procesi dobësohet. Mendohet se kjo është nxitëse në shumë simptoma të plakjes, përfshirë rënien e cilësisë së lëkurës, infeksionet, alergjitë. Midis yndyrave më të dëmshmet janë yndyrat trans, që gjenden në industrinë e rafinuar të ushqimit, si në ëmbëlsira, ushqim të shpejtë, akullore. Po ashtu mos harroni se vaji i kokosit edhe pse kalorik, ndihmon te mbipesha.

Përgjigjja e kësaj pyetjeje nuk është e thjeshtë. Është me rëndësi prej çfarë mielli gatuhet dhe me ç’ushqime hahet. Nga disa brumëra dhe simite mund të mos heqim dorë.

Mos e teproni! Ngandonjëherë e teprojmë me ngrënie buke. Kjo është arsyeja kryesore pse trashemi. Simitet e sotme përmbajnë 300 deri 400 kalori, pa përdorim të ndonjë ushqimi shtesë.

Përzieni hidratet e karbonit
S’është e thënë të hiqni dorë nga përdorimi i patate ve të pjekura ose nga ndonjë ushqim tjetër, veçse kombinimi duhet të bëhet me ushqim të indeksit të ulët glukemik. Për shembull, patatet përdoren të shoqëruara me një pjatë bishtaja. Kështu do të pengohet rritja e glukozës, që e shkakton ushqimi me indeks të lartë glukemik.

Hani brumëra
E befasishme:
* Brumi është ushqim me indeks të ulët glukemik, edhe pse nuk është nga drithërat integrale.
* Mielli semolinë që përdoret për gatimin e brumërave të thata, nuk përpunohet aq shpejt si miellrat e tjera.

Mësohuni të përdorni drithërat integrale dhe bishtajat
Elbi, orizi ngjyrë lajthie, hikrra dhe tërshëra – përmbajnë shumë fije dhe mbajnë ngopur më gjatë. Bishtajat janë edhe më të mira. Kur është fjala për prodhimet integrale, puna paksa ndërlikohet, sepse varet se si përgatiten. Për shembull, buka e bardhë dhe integrale kanë indeks të njëjtë glukemik, sepse janë të gatuara nga mielli i bluar mirë, ndërsa buka integrale e gatuar nga mielli i trashë, ka indeks më të ulët glukemik.

Për shkrirje të kilogramëve – perimet
Njerëzit që duan ta zvogëlojnë peshën trupore – perimet duhet shndërruar si themel të shujtave ditore. Perimet nuk trashin, prandaj ushqimet e tjera mund të zëvendësohen me perime, duke i përdorur madje edhe disa herë në ditë.

Përdorni pak yndyrë
Ushqimi i yndyrshëm dhe i thartë ngadalëson lirimin e glukozës. Mbani mend – yndyra ka shumë kalori, duke e përfshirë edhe ajkën e thartë! Më e shëndetshme është, për shembull, nëse me patate hahet sallata me pak vaj dhe me uthull.

/Telegrafi/

Konsumi i patates, përveçse shijon së tepërmi, ka edhe mjaft vlera ushqyese çka ndihmon në luftën kundër sëmundjeve.

Të paktën sipas studimeve të ndryshme rezulton se deri më tani patatet janë karbohidrate të cilat përmbajnë edhe shumë proteina, kjo i bënë një ushqim ideal për ata që duan të shtojnë në peshë. Prania e shumë vitaminave si vitamina C dhe B-kompleks ndihmojnë në thithjen e duhur të këtyre karbohidrateve. Kjo është arsyeja pse patatet janë pjesë të pashmangshme në regjimin ushqimor.

*Tretja

Meqë patatet përmbajnë karbohidrate ata treten lehtë dhe për pasojë lehtësojnë tretjen. Kjo veti i bën patatet një ushqim të mirë për pacientët, foshnjat dhe për ata që nuk tresin dot ushqimet e forta, por që kanë nevojë për energji. Por të kujtojmë se nëse hahen shumë patate rregullisht mund të shkaktojë aciditet në afat të gjatë. Patatet gjithashtu përmbajnë sasi të konsiderueshme fibrash.

*Kujdesi i lëkurës

Vitamina C, vitaminat B-kompleks dhe mineralet si kalium, magnez, fosfor dhe zink janë me vlerë për lëkurën. Përveç kësaj, tuli i shtypur i patates i përzier me mjaltë shërben për një fytyrë të shkëlqyer,për qeskat poshtë syve dhe për njollat në fytyrë. Përsëri, kjo masë nëse aplikohet në vendet e djegura jep një lehtësim të shpejtë.

*Skorbuti

Vitamina C e pranishme në patate mund të ndihmojë në parandalimin e kësaj sëmundje të shkaktuar për shkak të mungesës së vitaminës C. Ajo karakterizohet nga buzët e plasaritura dhe mishrat e dhëmbëve me gjakrrjedhje,infeksione të shpeshta virale si ftohje etj.

*Reumatizmi

Vitaminat, kalciumi dhe magnezi në patate ndihmojnë për një lehtësim në reumatizëm. Uji i marrur nga patatet e ziera jep gjithashtu një lehtësim. Por për shkak të përmbajtjes së lartë të niseshtesë ose karbohidrateve ajo tenton të rrit peshën e trupit gjë e cila mund të jetë me efekte negative tek pacientët reumatik.

*Ftohja

Patatet janë shumë efektive në inflamacionin e brendshëm apo të jashtëm. Ato heqin inflamacionin tek zorrët dhe sistemin e tretjes dhe janë një ushqim i mirë për ata që kanë ulcerë në gojë. Patatet e shtypura mund të aplikohen për të lehtësuar inflamacionet e jashtme, djegiet etj.

*Truri

Funksionimi i duhur i trurit varet shumë nga niveli i glukozës, i furnizimit me oksigjen, nga disa përbërës së kompleksit B, nga disa hormone, aminoacide dhe acidet yndyrore siç është omega-3.
Patatja mbulon pothuajse të gjitha nevojat e përmendura më lart. Ajo është e pasur me karbohidrate dhe mban në nivele të duhura glukozën në gjak e cila nuk lë për lodhje trurin dhe e bën atë aktiv. Oksigjeni i cili dërgohet në tru me anë të hemoglobinës në gjak ka përbërës kryesor hekurin. Patatet përmbajnë shumë hekur dhe kështu ndihmojnë për këtë funksion gjithashtu. Fosfori dhe zinku të gjetur në patate janë të vlefshme për trurin.

*Sëmundjet e zemrës

Përveç vitaminave (B-kompleks, C), mineraleve dhe fibrave, patatet përmbajnë substanca të quajtur Karotenoid (lutein, zeaxanthin etj) të cilat janë të dobishme për zemrën dhe organet e tjera të brendshme. Por përsëri, pasi patatja ngre nivelin e glukozës në gjak dhe konsumimi i tepërt mund të çojë në trashje gjë e cila mund të vërë në presion të madh zemrën nuk rekomandohet për njerëzit e dhjamosur dhe diabetike.

*Gurët në veshka

Gurët në veshka janë shkaktuar kryesisht nga niveli i lartë i acidit urik në gjak. Në raste të tilla, proteinat duhet të shmangen, veçanërisht proteinat shtazore të tilla si mishi, gjel deti, karkaleca deti, peshqit e detit, vezët, qumështi si dhe spinaqi,fasulet të cilat në mënyrë drastike rritin nivelin e acidit urik në gjak. Hekuri dhe kalciumi gjithashtu ndihmojnë në formimin e gurit. Patatja është e pasur me të dyja këto dhe normalisht nuk përshtatet nga kjo pikëpamje. Por kjo është shumë e pasur me magnez i cili refuzon grumbullimin apo depozitimin e kalciumit (kalcifikim) në veshka dhe indet e tjera, duke e bërë të dobishëm kundër formimit të gurëve.

*Diarreja

Patatja është një ushqim i pasur me energji për ata që vuajnë nga diarreja, pasi patatet treten lehtë si dhe janë të buta. Por një konsumim i madh mund të shkaktojë diarre për shkak të gëlltitjes së tepërt të niseshtesë.

*Këshilla

Lëngu i patates është një trajtim i mirë për djegiet, plagët,ndrydhjet, problemet me lëkurën, ulcerat, efektet e narkotikëve, kancerit të mitrës kundër formimit të cisteve ose tumoreve. Nga ana tjetër, duhet kujdes kur hani patate. Patatet jeshile janë helmuese sepse përmbajnë alkaloidë, si solanine, chaconine dhe arsenik të cilët në mbidozë mund të jetë fatale. Për më tepër, indeksi glicemisë tek patatet është shumë e lartë (mbi 80) dhe prandaj ata që duan të dobëson duhet të shmangin patatet. “Patatja e ëmbël ka një ngjashmëri të madhe me pankreasin dhe gjithashtu nxit funksionimin e shëndetshëm të organit. Këto lloj patatesh janë të pasura në beta karoten, i cili është një antioksidant fuqishëm që mbron të gjitha indet e trupit, duke përfshirë pankreasin nga dëmtimet që lidhen me kancerin ose plakjen”- thonë Shkencëtarët. Pjesa e jeshile në lëkurën e patates është klorofil, por ky klorofil tregon se patatja është ekspozuar në dritën ku toksina natyrore e patates solanina është koncentruar në mënyrë të dëmshme. Solanina është një mekanizëm natyror i mbrojtjes së patates për të shmangur kërpudhat dhe parazitët. Ajo ka një shije të hidhur dhe gjithashtu ajo shkakton probleme me shëndetin dhe vdekjen. Ky kompleks është i qëndrueshëm në temperaturë të valë prandaj këshillohet të pritet dhe të hidhet kjo pjesë. Për shkak të këtyre arsyeve, patatet kryesisht ishin përdorur për të ushqyer kriminelë apo të burgosurve të luftës.

Domatet e ziera dhe të konservuara përmbajnë 40 për qind më shumë antioksidantë dhe likopenë se sa të freskëtat, ndërsa fasulja nga konservat është burim më i mirë proteinave dhe fibrave se sa fasulja e thatë e zakonshme.

Pemët dhe perimet si fasulja, misri dhe domatet kanë vlerë më të lartë ushqyese në formë të konservuar se sa të freskët, ka treguar hulumtimi i Universitetit New Jersey. Përveç kësaj, ushqimi i konservuar është ushqim më i lirë dhe përgatitet më lehtë, pohojnë shkencëtarët.

Duke krahasuar çmimet e ushqimeve të caktuara në formë të freskët dhe të konservuar është vërtetuar që çmimi më i lartë nuk është pasqyrim i cilësisë, shkruan Time Healthland. Kështu fasulja e konservuar e cila është dyfish më e lirë se sa fasulet e thata, ka më shumë proteina dhe fibra në vete. Po ashtu, fasulja nga konservat është e gatshme për t’u ngrënë, ndërsa përgatitja e të zakonshmes zgjat deri disa orë.

“Edhe pse të gjithë format e fasules janë të shëndetshme, ajo në konservë është më e pasur me vlera ushqyese dhe zgjidhje më e mirë për blerje”, thotë autorja e studimit, Cathy Kapica.

Misri

Ky ushqim është i pasur me fibra, vitaminë C dhe magnez, madje edhe kokoshkat janë të pasura me antioksidantë. Misri i freskët është më i lirë se ai i konservuar, por vetëm në kohën e sezonit. Misri i konservuar është më i shëndetshëm sepse në procesin e konservimit rritet sasia e antioksidantëve në të për rreth 40 për qind. Por, me rritjen e antioksidantëve në misrin e konservuar humbet një sasi e vogël e vitaminës C, prandaj ajo më së shumti gjendet në misrin e freskët.

Spinaqi

Nutricionistët e theksojnë këtë perime të gjelbër si pjesë të rëndësishme të çdo ushqimi të shëndetshëm, ndërsa është dëshmuar që redukton rrezikun nga sëmundjet kardiovaskulare dhe përmirëson pamjen e lëkurës. Spinaqi në konservë është më i lirë se ai i freskët, por më i shtrenjtë se ai i ngrirë. Varianti i freskët është më i shëndetshëm, por jashtë sezonit e shkëlqyeshme është edhe forma e konservuar e cila përmban rreth 15 për qind më pak vitamina dhe minerale nga e freskëta, shton Kapica.

Domatet

Domatet e konservuara përmbajnë rreth 40 për qind më shumë antioksidantë dhe likopenë se ato të freskëta, ndërsa po ashtu janë aleat më i mirë në mbrojtje nga kanceri dhe sëmundjet e zemrës, ka treguar hulumtimi i Qendrës amerikane shëndetësore Illinois.

Po ashtu domatet e freskëta gjatë tërë vitit janë më të shtrenjta se ato të konservuarat për rreth 60 për qind, ndërsa çmimi i tyre barazohet në gusht dhe shtator.

Tuna

Tuna e freskët është e shtrenjtë dhe si për çdo lloj të peshkut të freskët ka nevojë për më shumë kohë për t’u përgatitur se sa për atë që vetëm nxirret nga konserva. Edhe pse tuna e freskët është më e pasur me përbërës ushqyes, ajo nga konserva është zëvendësim i shkëlqyeshëm për mëngjes apo darkë.

“Ata që mund t’ia lejojnë vetes le të zgjedhin tunë të freskët, por më shëndetshëm është të hahet tuna në konservë se sa copat e mishit apo drithërat e sheqerosura”, thotë Kapica.

Procesi i konservimit

Pasi që për konservim përdoren vetëm frytet më të mira në kulmin e pjekurisë dhe atë shumë shpejt pas korrjes, ushqimi i konservuar në aspektin ushqyes është shumë i ngjashëm me të freskëtin, ndërsa ndonjëherë edhe më i shëndetshëm, kanë treguar shumë studime. Perimet e freskëta prishen më shpejt, dhe me veçoritë e tilla nuk janë të përshtatshme për t’u ngrënë madje edhe vetëm pas disa ditësh. Gjatë konservimit pemët dhe perimet përpunohen në temperatura të larta, gjatë të cilit proces humbin një pjesë të mineraleve dhe vitaminave të veta, por ato kanë nivel stabil të fibrave, antioksidantëve dhe ushqyesve edhe disa vite pas përgatitjes.