Home » Ushqim » Qumështi i bletës

Qumështi i bletës

Ç’është xhelatina mbretërore?

Ai është një lëng i bardhë me vlera të larta ushqyese, që del nga gjendrat e faringut, nga koka e bletave të vogla punëtore për ushqyerjen e larvave punëtore, meshkujve në fazën e parë dhe larvave të mbretëreshës. Ky është ushqimi i vetëm i mbretëreshës dhe njihet gjithashtu me emrin “qumështi i bletës”.

Vetitë kuruese dhe shkaqet e përdorimit:

1. Aktivizon gjëndrat seksuale, shton nivelin e hormonit të shtatzanisë “Progesterone” dhe të hormonit mashkullor “Testosterone”, dhe aktivizon gjendrën suprarenale.

2. Forcon sistemin riproduktiv duke shtuar pjellshmërinë (mundësinë për të lindur fëmijë).

3. Është i dobishëm për kurimin e zmadhimit dhe infeksionit të prostatit.

4. Përmirëson funksionet e mëlçisë dhe veshkave dhe shton përqindjen e albuminës dhe glukogjenit në mëlçi. Ka rëndësi të veçantë në kurimin e infeksionit viral të mëlçisë.

5. Pakëson mundësinë e arteriosklerozës, normalizon nivelin e kolesterolit dhe yndyrave të trefishta në gjak.

6. Kuron varfërimin e gjakut “Aneminë”, sepse rrit prodhimin e rruazave të kuqe dhe të bardha të gjakut dhe rrit numrin e pllakave të gjakut, të cilat luajnë rol të rëndësishëm në mpiksjen e gjakut kur pritesh apo plagosesh.

7. Korrigjon sekrecionet e yndyrave të lëkurës për t’i normalizuar ato dhe nxit asimilimin e ushqimit brenda qelizave të lëkurës.

8. Luan rol antibiotik dhe antimukozë. Përdoret për parandalimin e sëmundjeve infektuese (ngjitëse).

9. Hap oreksin dhe vepron në ngritjen e peshës së trupit, duke u konsideruar si: “Ushqimi gjigand”.

10. Rifreskon memorien dhe fuqizon organizmin në përgjithësi.

11. Në lidhje me të sëmurët nga urina diabetike, ushqimi i bletës mbretëreshë përmirëson përfitimin nga glukoza, prodhon fuqi dhe shton nxjerrjen e hormonit insulinë në qelizat beta të pankreasit.

12. Vonon shenjat e mplakjes që shfaqen në organet e trupit dhe në lëkurë, si rezultat i përmbajetjes së lartë të Vitaminës B, dhe veçanërisht të Vitaminës B5, që ndryshe quhet Pantothenic Acid.

 

Përbërësit e xhelatinës mbretërore apo qumështit të bletës:

1. Proteina: 13-18%

2. Sheqerna të transferura: Fructose dhe Glukose: 7.5-12.5%

3. Ujë: 58-68%

4. Yndyra: 3-6%

5. Pluhur: 0.8-1.5%

6. Lëndë të papërcaktuara: 4-8.7%

7. Vitamina të ndryshme në sasi të lartë, veçanërisht vitaminë B të përbërë.

8. Minerale: përmban përqindje të lartë kalciumi, bakri, hekuri, pottassiumi, fosfori dhe squfuri.

9. I pasur me Acetyle Cholin, i cili është i domosdoshëm për përcjelljen e ngacmimeve nervore.

10. Përmban lëndë Inositol, e cila vepron në heqjen e yndyrës nga mëlçia, në pakësimin e kolesterolit në gjak, si dhe është i domosdoshëm në ruajtjen e shëndetit të flokut.

Këshilla që duhen pasur parasysh para përdorimit të qumështit të bletës:

Ekzistojnë disa sëmundje, mbartësit e të cilave duhet të konsultohen me mjekun e tyre para përdorimit të qumështit të bletës. Këto raste janë:

1. Të sëmurët me astmë.

2. Ata të sëmurë që mund t’ju shkaktohet alergji nga disa përbërës të qumështit të bletës.

3. Gjendjet e rënda kancerore.

4. Të sëmurët me tension të ngritur të gjakut.

5. Të sëmurët që vuajnë nga ulcerat dhe infeksionet e gypit tretës dhe nga aktiviteti i lartë i gjëndrave.

6. Foshnjat që pinë gji (nën dy vjeç).

Doza dhe mënyra e përdorimit:

1. Qumështi i bletës i freskët:

a) Për të rriturit: 500-1000 mg në ditë

b) Për fëmijët: 30-50% e dozës së të rriturve

2. Qumështi i bletës i tharë:

a) Përdoret me doza më të vogla se ai i freskëti, sepse ky humb 2/3 e peshës (nga uji) dhe nuk mbet prej tij veçse 1/3 dhe ajo është më e përqendruar. Pra, nga 300 mg qumësht blete të freskët përfitohen 100 mg qumësht blete të tharë.

b) Mënyra më e mirë për përdorimin e këtij qumështi të tharë është që të vendosësh sasinë e duhur nën gjuhë deri sa të tretet plotësisht, për rreth 2-5 minuta.

- Këshillohet që pas shërimit nga sëmundja, të mos përdoret për një apo dy muaj.

- Doza e përshtatshme për përdorim të përgjithshëm  është 1-2 gram nga qumështi i bletës i freskët i përzierë me 100 gram mjalt blete, dhe të hash nga një lugë dy herë në ditë, një orë para buke.

Ruajtja dhe rezervimi:

1. Qumështi i freskët i bletës ruhet në frigorifer, në temperaturë -20°C.

2. Kapsullat dhe qumështi i tharë i bletës ruhet në temperaturën normale të dhomës.

Publikoje ne:
  • Postoje tek Kapsit
  • Bookmark tek RuajFaqet
  • Facebook
  • Print this article!
  • hatigje

    pershendetje desha tju pys jetoj gjermani ku muna ktu me gjet qumshtin e bletes

  • evis

    Pershendetje une desha tju pyes, porositem qumesht blete dhe na e prune me gjilpere, mua mu duk e cuditshme ndoshta se i urrej gjilperat, nuk injektohet por mbahet nen gjuhe, normale sipas jush, ju lutem me ktheni pergjigje

  • geni

    pershendetje.doja tju pyesja per efektet ne qumeshtin e bletes .a jep efekt ne zhvillimin e trurit? shume flm per mirkuptimin

  • xhei

    Nese qumeshti i bletes ruhet per nje kohe rreth 10/15 dite ne kushtet e veta (ne frigorifer), i humbasin vlerat ?
    Per nje perdorim te metejshem.

  • hamit

    Deshta me ju pytë se sa e vertet eshte kjo se do me thoj qe nuk eshte vertet se nuk ekziston qumshti i bletve thojn qe eshte mjalt normale veq se e pastrojn pak ju lutem me ktheni pergjigjeje flm.

© 2014 Keshilla.NET · RSS · Designed by Theme Junkie · Powered by WordPress