Zgjidhni një fustan me përmasat tuaja

Zgjidhni një fustan me përmasat tuaja

Nëse akoma nuk keni vendosur se çfarë do të vishni për natën e Vitit të Ri, përveç grimit joshës dhe përveç asaj që jua paralajmërojmë “ngjyrën e 2011” ju përgatitëm edhe disa këshilla për ju.

Ekzistojnë disa rregulla kryesore sipas të cilave duhet të udhëhiqeni, ndërsa dukjen duhet ta kombinoni sipas stilit tuaj të veshjes, si dhe sipas figurës së trupit.

Fustane

Pa marrë parasysh sa është modern, mos shpejtoni të blini fustan të bërë nga materiali që ndriçon nëse keni disa kilogramë më tepër. Fustani i artë apoi argjendtë duket elegant dhe modern, por vizualisht “jep” disa kilogramë plus. Mund të vendosni për një fustan të një ngjyrësh apo për fustani e shkurtë të zi me të cilën do të dukeni elegante dhe femërore, ndërsa pamjen moderne do ta arrini me stoli moderne masive.

Gratë më në moshë, fustanin pa krahë duhet ta kombinojnë me ndonjë shall interesant. Nëse doni të jeni e veçantë, vendosni për ndonjë kostum të meshkujve – si plotësim final , ose vetëm pallto , që do ta kombinoni me streçe . Kjo dukje është hit modern absolut midis të njohurve për këtë sezon.


Kini kujdes për detajet

Ajo që është shumë e theksuar, asnjëherë nuk duket bukur. Nëse fustani është i larmishëm, mos mbani gjëra shtuese si çantë të larmishme ose shumë stoli, ashtu do të dukeni si pemë e Vitit të Ri. Jepini rëndësi edhe çantës. Vendosuni për një çantë të vogël elegante me rrip të hollë që të mund ta mbani në krahë lehtë ndërsa kërceni.

Komoditet
Pa dallim se për cilin fustan do të vendoseni, para se gjithash mendoni për komoditetin. Fustani shumë i shkurtë ndoshta duket i përkryer kur qëndroni në këmbë por me siguri nuk do të qëndroni ashtu tërë kohës.

Për këtë arsye, zgjidhje e mirë do të ishte një fustan që do të ndiheshit të rehatshme. Kjo vlen edhe për këpucët, kini kujdes të mos jenë shumë të larta ose të hapura tek gishtat, është dimër, apo jo?!

Komento