Home Ushqim 5 pije të ngrohta për festa nga e gjithë bota

5 pije të ngrohta për festa nga e gjithë bota

Ngrohja që ato dhurojnë është efekti kryesor, por baza gjithmonë ëshë alkooli, ndaj edhe quhen si koktejlet e Krishtlindjeve. Provoni disa nga pijet tradicionale, nga e gjithë bota, të cilat mund të realizohen lehtësisht edhe në shtëpi.

Eggnog

Një pije që ka si bazë vezën, qumështin dhe pije alkoolike, e cila është mjaft popullore në vendet anglosaksone, tipike për festat e fundvitit.

Përbërësit: 500 ml qumësht, 200 ml pana gatimi, 3 shkopinj kanelle, 1 lugë vanilje, 1 lugë arrëmyshk, 5 vezë, 150 gram sheqer, 150 ml rum.

Përgatitja: Në një tenxhere hedhim qumështin dhe e lemë të ngrohet, shtojmë panën, vaniljen, shkopinjtë e kanellës dhe arremyshkun. I lemë të ziejnë derisa të marrin një valë dhe më pas i heqim nga zjarri.

Në një tas tjetër ndajmë të verdhat e vezëve të cilat i përziejmë me sheqerin derisa të krijohet një masë e trashë. Masën e hedhim pak nga pak tek qumështi dhe e trazojmë derisa të lidhen. Në fund shtojmë rumin. E trazojmë dhe më pas e vendosim në frigorifer për 12 orë.

Para se të shërbehet, rrahim të bardhat e vezëve derisa të krijohet një marengë, të cilën e bashkojmë më pas me masën që kishim në frigorifer.

E shërbejmë të ftohtë dhe të dekoruar me arrëmyshk.

Vera brule

Një përzierje e verës së kuqe, portokallit, karafilit, kanellës, do të kthehet në gotën tuaj të “zjarrtë” gjatë ditëve të ftohta, një nga pijet simbol të festive në vendet gjermanike.

Përbërësit: 1 portokall i madh, 3 limonë, 12 fara karafil, 2 mandarina, 2 shishe verë e kuqe nga 750ml, 2 shkopinj kanellë, 150g sheqer pluhur, konjak.

Përgatitja: Qëroni me kujdes lëkurën e portokallit dhe limonëve. Shtrydhni më pas lëngun e tyre dhe ruajeni për pak më vonë.

Hidheni verën në një enë të madhe dhe shtoni 1 litër ujë të ftohtë. Përziejeni me një lugë dhe më pas shtoni lëkurët e portokallit dhe limonit, bashkë me lëngun. Më pas shtoni edhe mandarinat bashkë me shkopinjtë e kanellës dhe farat e karafilit.

E vendosim të ziejë deri në pikën e vlimit, dhe më pas ulni nxehtësinë deri sa të arrijmë zierjen për rreth 1 orë. Gjatë zierjes, shtoni sheqerin pluhur dhe konjakun.

Shërbehet në gota dhe e ngrohtë.

Bombardino

Protagonisti i vendpushimeve të skive, ka bazë alkoolin, pana dhe kafe. E merr këtë emër nga nxehtësia që dhuron pasi pihet. Përdoret në Itali dhe Zvicër.

Përbërësit: 3/4 liker veze, 1/4 rum, krem pana dhe kakao.

Përgatitja: Vendosni në një tenxhere likerin e vezës, por mos e lini të vlojë. Hiqeni atë nga zjarri dhe shtoni dalëngadalë rumin, ose ndonjë lloj alkooli tjetër sipas dëshirës. Përziejeni ngadale derisa të krijohet një ngjyrë e njëtrajtshme. Mund ta shërbeni në filxhan të ngrohur paraprakisht, dekorojeni me krem pana dhe spërkateni sipër me pak kakao. Bombardino shërbehet e nxehtë.

Kafja irlandeze

Receta e kafes irlandeze është një nga më të famshmet, ka si bazë padyshim kafe me sheqer, pak uiski dhe krem pana të rrahur, nga emri kuptohet vjen nga Irlanda.

Përbërësit: 1 lugë çaji sheqer, 1 gotë uiski irlandez, 2/3 filxhan kafe, 1/4 filxhan me krem pana

Përgatitja: Në një enë ku përgatisim kafenë hedhim ujin, e më pas shtojmë kafenë bashkë me sheqerin. Pasi të jetë zjerë e hedhim kafenë në një gotë të madhe, ku shtojmë pak nga pak uiskin. Sipër vendosim kremin e panës. Kafeja e zezë që sugjerohet në këtë recetë mund të zëvendësohet edhe me kafe ekspres të fortë.

Ponçi i Krishtlindjes

Një pije e traditave të vjetra; ponçi përmban përzierje pijesh alkoolike prej portokalli dhe mandarine. Përdoret nga Franca në Spanjë, e deri në Azi.

Përbërësit: 75 ml lëng mandarine, 150 ml liker, 220 ml Uiski Skocez, ose Konjak, 300 ml lëng boronice, 1 shkop vanilje, 1 mandarinë.

Përgatitja: Në një enë hedhim të gjithë përbërësit: fillimisht lëngun e mandarinës, likerin uiskin, lëngun e boronicës, shkopin e kanellës dhe mandarinën e qëruar. I lemë të gjitha në frigorifer për 3 orë, në mënyrë që të ruhen aromat e secilës.

Më pas e nxjerrim dhe i japim një vlim të lehtë, në mënyrë që lëngu të hollohet. Shërbehet i ngrohtë.

TË TJERA

Rreziqet e fshehura të proteinës pudër

Mund të përmbaj sheqer, kalori dhe kimikate toksike. Të gjithë të pasionuarit pas palestrës në ndonjë pikë vendosën të kthehen drejtë proteinës pudër për rezultate më të mira dhe të shpejta në përmirësimin e shëndetit. Kjo pasi që proteina është esenciale për të formësuar dhe mbajtur në formë muskujt, për të forcuar eshtrat, për të rritur energjinë etj. Shumë të rritur nuk...