Home Ushqim Brokoli zgjatë jetën

Brokoli zgjatë jetën

Përpos brokolit, të dobishme janë edhe lakra, lulelakra, lakra jeshile dhe lakërishta.

Shkencëtarët shpesh ngjajnë me prindërit e mërzitshëm, me tërë ato këshilla rreth të ushqyerit e drejtë. Këshilla e tyre më e re thotë se, kush ha brokoli, jeton më gjatë.

Brokoli dhe bimët e tjera të kësaj familjeje – lakra, lulelakra, lakra jeshile dhe lakërishta – duket se janë sidomos të dobishme edhe pse studimi i botuar nga “Reuters” nuk mund ta thotë prerazi se konsumimi i perimeve automatikisht zgjatë jetën.

Është e mundshme që personat që konsumojnë perime, të jetojnë më gjatë për shkak se kanë një stil më të shëndetshëm të jetës.

Sido që të jetë, perimet nga familja e lakrave janë të pasura me vitaminë C dhe me fibra, por përmbajnë edhe substanca të tjera ushqyese.

Rezultatet e studimit të ri janë publikuar në revistën profesionale “American Journal of Clinical Nutrition” dhe bazohen në të dhënat e rreth 135.000 personave të rritur.

Pjesëmarrësit në studim janë përgjigjur në pyetjet rreth shprehive ushqimore dhe sëmundjeve të kaluara.

Me këtë rast është parë se, personat që konsumojnë shpesh perime të familjes së lakrës, kanë një indeks më të ultë të vdekshmërisë.

KËSHILLA TË NGJASHME

TË TJERA

Këto ushqime pengojnë gjumin normal

Ne e dimë që ushqime të caktuara që përmbajnë kafeinë ose sheqer mund të stimulojnë sistemin nervor, duke e bërë të vështirë gjumin. Por ka edhe ushqime që do të kenë efektin e kundërt. Mos harroni karbohidratet Ushqyerja që përfshin nxjerrjen e karbohidrateve mund të prishë ekuilibrin kimik të trupit dhe kështu të parandalojë gjumin e mirë. Në vend që t’i eliminoni...