Home Këshilla të ndryshme Burrat e stresuar terhiqen nga grate e renda

Burrat e stresuar terhiqen nga grate e renda

Kur burrat vihen në situata stresuese, tentojnë të shohin gratë e shëndosha dhe të rënda si më tërheqëse, bëhet e ditur nga një studim i kryer së fundmi.

Kërkuesit në Britaninë e Madhe zbuluan se njerëzit e ekspozuar ndaj detyrave të vështira që synonin t’i vinin nën presion, rezultuan se pëlqenin një gamë më të gjerë grash, ku pesha dhe format e bollshme shiheshin me pozitivitet.

Studimi del në konkluzionin se stresi mund të ndryshojë parametrat mbi të cilat meshkujt i gjykojnë femrat.

Skuadra e studiuesve nga Londra dhe Njukastëll e publikoi studimin e vet te gazeta Plos One.

“Ka shumë studime që sugjerojnë se preferencat mbi përmasat trupore të partnerit ideal janë të ngulitura mirë në ndërgjeje, por me këtë studim, kjo del e pavërtetë,” deklaroi një nga studiuesit, Dr. Martin Tovee.

Studime të shumta vërejnë se koncepti i meshkujve mbi të bukurën te femrat ka ndryshuar gjatë shekullit të fundit, ku media televizive ka dhënë një ndikim të madh duke paraqitur vetëm femrat elegante si tërheqëse. Studimet mbi pikturat klasike sugjerojnë se në kohët e vjetra femrat e shëndosha ose relativisht të shëndosha qenë simbol i të bukurës.

Por studiuesit thonë se këto shije janë të pranishme edhe sot, vetëm se janë në varësi të gjendjes emocionale të meshkujve.

“Nëse shikon ambientin, në vendet ku ushqimi është i pakët njerëzit pëlqejnë përmasa trupore të bollshme te partneri, ndryshe nga vendet ku ushqimi është i bollshëm dhe jeta është shumë më e lehtë,” shpjegon Tovee.

Vende si Britania e Madhe kanë dalë nga epoka kur ushqimi bazë qe i pasigurtë që prej shumë dekadash tashmë, megjithatë, meshkujt e studiuar treguan se mjafton pak stres që instikti i partneres së bollshme si simbol i mirëqënies, sigurisë dhe të bukurës, të rikthehet në ndërgjegjen e tyre.

TË TJERA

Çfarë duhet të dini që të parandaloni sëmundjen e diabetit

Simptomat më klasike të diabetit janë lodhja, urinimi i shtuar, etja dhe uria e tepruar. Por ka edhe disa simptoma të tjera që mund të jenë shenja paralajmëruese, që janë më pak të dukshme. Periodontiti Periodontiti është një sëmundje e mishrave të dhëmbëve, që mund të shkaktojë lirimin ose rënien e tyre. Kjo sëmundje është dy deri në tre herë më e...