Home Shëndetësi Dhjamosja dyshohet se ka lidhje me kancerin në mitër

Dhjamosja dyshohet se ka lidhje me kancerin në mitër

Dhjamosja dyshohet se ka lidhje me kancerin në mitërTrashja apo dhjamosja mund të rrisë edhe numrin e grave që diagnostikohen me kancer në mitër, ka paralajmëruar Shoqata për Hulumtimin e Kancerit në Britani.

Shifrat e saj kanë treguar se 19 gra në çdo 100,000 në Mbretërinë e Bashkuar janë diagnostikuar me këtë sëmundje në vitet 1990, ndërsa shifrat janë rritur në 29 në 100,000 në vitin 2013, transmeton rel.

Hulumtuesit pranojnë se lidhja midis mbipeshës dhe kancerit nuk është ende e qartë, por thonë se hormonet e prodhuara nga yndyra shtesë mund të luajnë rol.

Hulumtuesit thonë se janë të nevojshme më shumë studime.

Ndryshe, në Britaninë e Madhe, rreth 9,000 gra diagnostikohen me kancer në mitër çdo vit dhe rreth 2,000 vdesin.

Hulumtuesit thonë se trajtimet janë përmirësuar në 20 vjetët e fundit, duke rritur shanset për mbijetesë.

Por, ata bëjnë thirrje për më shumë studime për të kuptuar se përse rritet numri i grave që preken nga kjo sëmundje.

TË TJERA

Rreziqet e fshehura të proteinës pudër

Mund të përmbaj sheqer, kalori dhe kimikate toksike. Të gjithë të pasionuarit pas palestrës në ndonjë pikë vendosën të kthehen drejtë proteinës pudër për rezultate më të mira dhe të shpejta në përmirësimin e shëndetit. Kjo pasi që proteina është esenciale për të formësuar dhe mbajtur në formë muskujt, për të forcuar eshtrat, për të rritur energjinë etj. Shumë të rritur nuk...