Home Këshilla të ndryshme Dieta me kungull

Dieta me kungull

Në mjekësinë popullore kungulli rekomandohet si diuretik, për mënjanimin e ujit të tepërt nga organizmi, veçanërisht për njerëzit të cilët vuajnë nga reuma, infektimet e veshkave dhe fshikëzës. Falë fibrave bimore ndihmon edhe te konstipacioni, sepse vë në lëvizje zorrët pasive.

Përveç që është i mirë për humbje të peshës, kungullin mund ta hanë edhe të sëmurit nga diabeti, ndërsa hulumtimet e ndryshme kanë zbuluar se ushqimi i pasur me fibra të kësaj perime ndalon oreksin.

 

Edhe farat e kungullit janë të pasura me proteina, ndërsa përmbajnë edhe acidin yndyror omega-3 që është mbrojtës i njohur i zemrës. Megjithatë, mos e teproni me këto fara sepse kanë shumë kalori, 100 gramë përmbajnë madje 554 kalori.

Menyja për katër ditë

Dita e parë

Kafjalli: kungull i zier me karotë dhe me lëng limoni dhe bollgur nga kungulli i zier me drithëra të shtuara.

Dreka: supë perimesh me kungull (spec, karotë, qepë dhe pak patate), 150 gramë file pule dhe një pjesë bukë integrale.

Darka: kungull i pjekur në furrë.

Dita e dytë

Kafjalli: bollgur nga kungulli, një filxhan jogurt pa yndyrë dhe një pjesë bukë integrale.

Dreka: krem supë nga kungulli dhe pilaf me kungull dhe kërpudha.

Darka: 150 g perime, sipas dëshirës suaj.

Dita e tretë

Kafjalli: bollgur nga kungulli i zier dhe një vezë e zier.

Dreka: supë perimesh me kungull dhe musaka me kungull dhe mish të bluar.

Darka: Dy pjesë buke të thekur dhe sallatë nga kungulli i pjekur me ananas.

Dita e katërt

Kafjalli: dy pjesë pite të njelmët me kungull dhe një filxhan me jogurt pa yndyrë.

Dreka: krem supë nga kungulli, gullash nga kungulli (përgatitet sikur gullashi i zakonshëm, vetëm që në vend të mishit përdoret kungulli) dhe një pjesë bukë integrale.

Darka: kungull i pjekur në furrë.

KËSHILLA TË NGJASHME

TË TJERA

Sallata marule, aleatja më e mirë për t’u dobësuar, lehtësuar stresin dhe për të fjetur 8 orë rresht

Është mbretëresha e sallatave, por është gjithashtu një burim i shkëlqyeshëm i ushqyesve dhe ofron përfitime të shumta shëndetësore: kjo është arsyeja pse sallata marule nuk duhet të mungojnë në dietën tuaj. Pavarësisht se konsumohet shpesh për dietë, sallata marule është në të vërtetë një ushqim me veti të shumta terapeutike. Sallata marule është në dispozicion gjatë gjithë vitit, me...