Dieta me kungulleshka pastroni organizmin

Dieta me kungulleshka pastroni organizminKungulleshkat janë shumë të dobishme dhe efikase kundër disa sëmundjeve

Për shkak të përmbajtjes së lartë të fibrave dietale, kungulleshkat zvogëlojnë absorbimin e yndyrave, prandaj janë të përshtatshme për dietë te kolesteroli dhe trigliceridet e larta. Kaliumi dhe magnezi ndikojnë në uljen e shtypjes së gjakut.

Adhuruese të dietës me kungulleshka janë Sophia Loren, Alain Delon, Catherine Deneuve, etj.

Nëse qëndroni një muaj në dietë me kungulleshka, atëherë pa problem mund të humbni 4 – 6 kilogramë. Nëse e mbani këtë dietë për një javë, atëherë pa problem do të humbni 2-3 kilogramë, transmeton gazeta Kosova Sot Online.

Përpos që do t’i humbni kilet e tepërta, do ta pastroni edhe organizmin nga materiet e dëmshme, duke e freskuar organizmin. Krahas kungulleshkave, në meny mund të shtoni edhe karotën dhe lakrën e freskët. Në orët e pasdites mund të hani disa tranguj, e për përmirësimin e shijes së perimeve, mund të shtoni në sallatë një lugë vaj bimor dhe disa pika lëng limoni.

• Menyja e dietës me kungulleshka përfshin edhe pemët. Për drekë, darkë dhe zamër, plotësojeni menynë tuaj me mollë, kivi, mandarinë, portokall, apo kumbull.

• Në mënyrë që dieta të jetë sa më e balancuar, ajo duhet të përmbajë proteina, e kjo nënkupton praninë e mishit të viçit, të lopës (pa dhjamë), të gjeldetit, pulës, lepurit.

• Mishin mund ta zëvendësoni me peshk, por në këtë rast përparësia u jepet peshqve të lumit, meqë peshqit e detit nuk janë të përshtatshëm për këtë dietë.

• Për pije përdoret uji i thjeshtë, çaji i gjelbër pa sheqer, lëngjet natyrore.

• Gjatë kohës së dietës me kungulleshka, nga menyja duhet përjashtuar bukën, ëmbëlsirat, kafen dhe alkoolin.

• Përparësi kanë kungulleshkat me lëvore të gjelbër, të errët, ku kjo lëvore nuk duhet të hiqet, meqë përmban 80% të materieve ushqyese.

Shembull i menysë së dietës me kungulleshka për një ditë:

Kafjalli:

• Kungulleshka të ziera (250 g) me perime (150 gr),

• 1 filxhan çaj jeshil.

Zamra:

• 1 mollë,

• 1 gotë lëng portokalli, apo ujë.

Dreka:

• 1 kungulleshkë e pjekur (300 g),

• 1 copë mishi të zier (200 g),

• 1 kivi apo disa kumbulla

• 1 filxhan çaj jeshil.

Zamra:

• 1 kungulleshkë e pjekur (250 g),

• Sallata me lakër dhe karotë (250 g),

• 1 gotë lëng molle.

Darka:

• 100 g kumbulla të terura apo 2-3 kumbulla të freskëta,

• 1 gotë lëng molle, apo çaj jeshil.