Ditët e javës: Kur duhet bërë seks, pazar apo biznes?

Ka një kohë të duhur për çdo gjë, ju vetëm duhet ta dini se kur është ajo saktësisht.

Ka qenë tabloidi britanik “The Sun”, i cili ka publikuar së fundmi një listë të ditëve më të mira për aktivitete të ndryshme.

Duke e nisur me të hënën, e cila rekomandohet si dita më e mirë për të ngrënë në restorante. Dhe kjo pasi, gjatë fundjavës është konsumuar gjithçka dhe që nga e hëna, gjithçka është e freskët përsëri.

Ndërsa për të bërë seks, dita më e mirë është konsideruar e enjtja. E kjo pasi, në këtë ditë, vlerësohet se nivelet natyrore të kortizolit, i cili stimulon hormonet seksuale, arrijnë kulmin.

Shitja e shtëpisë? Gjëja më e mirë që mund të bëhet të premteve. Kjo sipas analizës së kryer në agjencitë real estate, e cila konkludon se ta shesësh shtëpinë para fundjavës, rrit në masë të madhe shanset e mbylljes së marrëveshjes.

Të kërkosh punë, ose një rritje rroge apo përgjegjësie? Të mërkurën, paraqiten shanset më të mëdha.

Në fund, të martohesh, rekomandohet që ta bësh vetëm të premten. E kjo pasi, shmang tradicionalizmat e ditës së shtunë dhe të dielë.

Ditë kjo që vlerësohet si më e përshtatshmja edhe që të ndërpresësh pirjen e duhanit. Pasi për shumë studime, vullnet është në maksimumin e tij pak para fundjavës.