Home Ushqim Dredhëzat si preventivë për sëmundjet gastroenterologjik

Dredhëzat si preventivë për sëmundjet gastroenterologjik

Hulumtimi i ri i ekipit të ekspertëve ndërkombëtar u ofron shpresë atyre që i mundon i thati ose dëmtimi i mukozës së stomakut. Është zbuluar që konsumimi i dredhëzave mund të zvogëlojë dëmtimet në membranën e mukozës së stomakut, por rezultatet e këtyre studimeve nuk janë vërtetuar ende në njerëz.

Ekipi i shkencëtarëve italianë, serbë dhe spanjollë, që kanë punuar në kuadër të Fondacionit spanjoll për shkencë dhe teknologji (FECYT), ka vërtetuar që dredhëzat mbrojnë stomakun e gjitarëve nga veprimet e dëmshme të alkoolit.

Minjve laboratorik shkencëtarët u kanë dhënë etanol dhe kanë parë që membrana mukozale e stomakut tek ato kafshë që kanë ngrënë më herët dredhëza është më pak e dëmtuar dhe është zvogëluar shfaqja e ulkusit.

Sara Tulipani, shkencëtare nga Universiteti i Barcelonës dhe bashkëautore e studimit, shpjegon që veprimi pozitiv i dredhëzave nuk është i lidhur vetëm me veprimin e tyre antioksidant dhe përmbajtjen më të madhe të përbërësve fenolë, por edhe me faktin që ato aktivizojnë mbrojtjen antioksidante dhe enzimet e vet trupit.

Ekspertët kanë përfunduar që ushqimi i pasur me dredhëza mund të ketë veprim pozitiv në parandalimin e sëmundjeve të stomakut të cilat janë pasojë e radikaleve të lira të grumbulluara ose qelizave tjera reaktive me oksigjen. Dredhëzat po ashtu mund të ngadalësojnë formimin e të thatit në stomak edhe tek njerëzit.

Gastriti ose inflamacioni i membranës së stomakut lidhet me konsumimin më të madh të alkoolit, por mund të jetë edhe pasojë e infeksionit virusal ose konsumimit afatgjatë të disa ilaçeve siç është aspirina. Dr. Maurizio Battino, koordinator i grupit hulumtues që punon në Universitetin Politeknik Italian Marche (UNIVPM), sugjeron që në rastet e përmendura, konsumimi i dredhëzave gjatë ose pas shfaqjes së sëmundjes mund të reduktojë dëmtimet e membranës mukozale.

TË TJERA

Rreziqet e fshehura të proteinës pudër

Mund të përmbaj sheqer, kalori dhe kimikate toksike. Të gjithë të pasionuarit pas palestrës në ndonjë pikë vendosën të kthehen drejtë proteinës pudër për rezultate më të mira dhe të shpejta në përmirësimin e shëndetit. Kjo pasi që proteina është esenciale për të formësuar dhe mbajtur në formë muskujt, për të forcuar eshtrat, për të rritur energjinë etj. Shumë të rritur nuk...