Home Teknologji Internet Facebook na e ndërron strukturën e trurit?

Facebook na e ndërron strukturën e trurit?

Personat me listën e gjatë të miqve në Facebook kanë struktura më të mëdha dhe më të dendura në tri regjionet e trurit për dallim nga ata që kanë vetëm disa miq online.

Shkencëtarët e kanë hulumtuar, por ende nuk e kanë zgjidhur enigmën nëse pjesa e trurit përgjegjëse për jetën sociale ndikon që njerëzit të cilët kalojnë mjaft kohë në Facebook të kenë më shumë miq, apo shfrytëzimi i shpeshtë i atij rrjeti shoqëror ka çuar deri tek ndryshimet në tru.

Duke studiuar trurin e shfrytëzuesve të Facebook hulumtuesit kanë konstatuar që personat me listën e gjatë të miqve në këtë rrjet kanë struktura më të mëdha dhe më të dendura në tri regjionet e trurit për dallim nga ata që kanë vetëm disa miq online.

Siç përcjell AFP-ja, bëhet fjalë për lobin e sipërm temporal dhe gjirusin e mesëm temporal i cili lidhet me perceptimin social siç është vënia re e shikimit të huaj ose shprehjes së fytyrës tek të tjerët, dhe korteksit entorinal i cili lidhet me mbajtjen mend të fytyrave dhe emrave.

Çështja është nëse madhësia e pjesës “sociale” të trurit nxit njerëzit të kenë më shumë miq në Facebook apo ajo pjesë u nënshtrohet ndryshimeve gjatë përdorimit të shpeshtë të rrjetit shoqëror, ka thënë udhëheqësi i hulumtimeve, Geraint Rees, neurolog, profesor i Kolegjit universitar në Londër, duke theksuar që janë të nevojshme të kryhen hulumtime të reja për të ardhur deri tek përgjigja.

Më herët edhe Susan Greenfield, e cila në Oxfiord merret me hulumtime shkencore në fushën e neurologjisë, ka ngritur pluhur të madh duke pohuar që mendja njerëzore thjesht do të bëhet më “fëmijërore”, dhe do të jetë e paaftë për koncentrim dhe empati më të gjatë, do të anojë kah sensacionalizmi dhe do të ketë ndjenjë të përzier të identitetit.

KËSHILLA TË NGJASHME

TË TJERA

Arsyet përse ju lotojnë sytë, zgjidhjet për secilin rast

Lotët janë të rëndësishëm për shëndetin e syve. Ato i lubrifikojnë ato, i ushqejnë dhe mbrojnë shëndetin e tyre. Lotët përbëhen nga uji, sekrecione të ndryshme, vajra yndyrorë dhe mbi 1,500 proteina të ndryshme. Shkarkimi i tyre nëpërmjet të qarës është shumë e shëndetshme për organizmin. Lotët prodhohen nga gjendrat sipër syve dhe nën qepalla. Një ndër funksionet e tjera...