Home Shëndetësi Gratë që zgjohen herët mund të mbesin më lehtë shtatzëna

Gratë që zgjohen herët mund të mbesin më lehtë shtatzëna

Përmes një studimi, në të cilin janë përfshirë më shumë se 100 gra, është zbuluar se gratë që zgjohen herët dhe që janë fizikisht aktive kanë më shumë gjasa të mbesin shtatzëna. Hulumtuesit e Universitetit të Warwickut i kanë pyetur grate se në çfarë kohe zgjohen zakonisht dhe për faktin se a kanë provuar të mbesin shtatzëna me metoda artificiale.

Rezultatet e hulumtimit u prezantuan në një konferencë të Shoqatës Britanike të Fertilitetit. Sipas këtyre rezultateve, pothuajshe dy të tretat e grave që zgjohen herët kishin mbetur shtatzënë më lehtë. Në anën tjetër, vetëm një e treta e grave që rrinë zgjuar natën e kishin arritur të njëjtën gjë. Shkencëtarët besojnë se “gratë e mëngjesit” kanë gjasa më të mira për të mbetur shtatzënë dhe për t’iu shmangur më shumë sëmundjeve, në krahasim me gratë tjera.

Profesoresha Geraldine Hartshorne, e cila e udhëhoqi këtë studim, tha se gratë që zgjohen herët kanë prirje për ta pasur një jetë më të shëndetshme. “Ato zakonisht nuk pijnë duhan, nuk vuajnë nga mbipesha, diabeti apo sëmundjet e zemrës dhe të gjitha këto mund ta bëjnë më të vështirë synimin për të mbetur shtatzënë”, tha ajo.

 E pyetur për këshillat që do t’ua jepte grave që dëshirojnë të mbesin shtatzëna, profesoresha tha se ato duhet të flenë më herët dhe të zgjohen më herët, ndonëse në arritjen e këtij qëllimi ndikojnë edhe faktorë tjerë shëndetësorë, shkruan “Daily Mail”,

KËSHILLA TË NGJASHME


TË TJERA

Shtatë ushqime për pastrimin rrënjësor të mushkërive

Përkujdesja për mushkëritë është një hap i shkëlqyer që mundëson mbrojtjen nga sëmundjet e ndryshme. Në këtë artikull do të mësoni për 7 ushqimet që pastrojnë dhe detoksifikojnë këtë organ të rëndësishëm. Çaji Jeshil Ekspertët rekomandojnë pirjen e një filxhani të ngrohtë me çaj jeshil përpara gjumit. Kjo do të ndihmojë të pastroni organizmin dhe mushkëritë nga toksinat, por edhe të ruajë shëndetin...