Home Këshilla për Prindër Këshilla për shtatëzëna Ja pse duhet të hani kos patjetër, kur jeni shtatzënë

Ja pse duhet të hani kos patjetër, kur jeni shtatzënë

Disa përfitime që keni nga konsumimi i kosit gjatë shtatzënisë.

Fatmirësisht ka mjaft alternativa për ushqimet që gratë mund të zgjedhin për të plotësuar nevojat e tyre gjatë shtatzënisë. Një shembull perfekt për këtë është dhe kosi.

Në përgjithësi gratë shtatzëna mund të konsumojnë vetëm kos të pasterizuar pasi produktet e bulmetit të cilat nuk janë pasterizuara mund të përmbajnë baktere të cilat mund të dëmtojnë nënën dhe fetusin. Megjithëse shumica e markave që tregtojnë këto produkte, përdorin kos të pasterizuar, është shumë e rëndësishme që të lexoni etiketat e produkteve që blini.

Disa përfitime që keni nga konsumimi i kosit gjatë shtatzënisë.

Parandalon pre-eklampsinë

Në një studim të kryer nga “Khon Kaen University” në Tajlandë u zbulua se gratë shtatzëna që konsumonin një dietë të pasur me kalcium, kishim më pak mundësi për tu prekur nga pre-eklampsia, dhe duke qënë se kosi është i pasur me kalcium ai është një mënyrë e mirë për të shtuar sasinë e kalciumit në dietën tuaj, transmeton per nenat.

Kocka të forta për nënën dhe foshnjën

Objektivi parësor i shtatzënisë është furnizimi i foshnjës me lëndë ushqyese pa vënë në rrezik shëndetin e nënës. Dhe kosi, si të gjitha produktet e tjera të bulmetit përmban kalcium i cili përveçse ndihmon në zhvillimin e kockave të foshnjës, kujdeset edhe që kockat e nënës të jenë të forta për të përballuar peshën e shtuar gjatë shtatzënisë.

Lehtëson simptomat inflamatore

Kosi është i pasur gjithashtu edhe me probiotikë. Një nga përfitimet e konsumit të këtyre probiotikëve është aftësia e tyre për të qetësuar simptomat inflamatore. Në një studim të kryer së fundmi, konsumimi i kosit rezultoi të ishte efektiv në lehtësimin e simptomave inflamatore në 70% të rasteve.

Parandalon rezistencën ndaj insulinës

Me ndryshimet që ndodhin në trupin e gruas gjatë shtatzënisë ai ka tendencën të zhvillojë një rezistencë ndaj insulinës. Por për shkak të sasisë së lartë të probiotikëve që kosi përmban, ai bën të mundur mbajtjen e një niveli konstant të insulinës në gjak.

KËSHILLA TË NGJASHME

TË TJERA

Mishi i kuq nxit kancerin e zorrëve

Konsumimi i përditshëm i mishit të kuq apo të përpunuar, edhe në sasitë më të vogla, mund të rritë rrezikun e sëmundjeve të rënda të stomakut. Një studim gjashtëvjeçar i Universitetit të Oksfordit me pjesëmarrjen e rreth gjysmë milion grave dhe burrave anglezë të moshës 40 deri 69 vjeç ka treguar se dietat me bazë mishin e kuq shtojnë me...