Home Shëndetësi Ja si ta kuptoni se keni mungesë hekuri ne gjak

Ja si ta kuptoni se keni mungesë hekuri ne gjak

Ja si ta kuptoni se keni mungesë hekuri ne gjakRreth 9% e grave vuajnë nga mungesa e hekurit, por kjo shifër është më e lartë tek gratë të cilat kanë aktivitet të shtuar fizik. Kini parasysh shenjat e mëposhtme të cilat tregojnë për mungesën e hekurit në organizmin tuaj.

– Lodhja: Trupi përdor hekurin për të krijuar hemoglobinën, rruazat e kuqe të gjakut që mbartin oksigjenin. Kur keni mungesë të qelizave të shëndetshme të gjakut, do të ndiheni të lodhur.
– Vështirësi në përqendrim: Sinteza e neurotransmetuesve mund të jetë e ndryshme tek personat me mungesë të hekurit, duke çuar në funksionalitete më të ulëta se sa normalja.
– Apatia: Një tjetër pasojë e kësaj sinteze është apatia ndaj asgjëje dhe gjithçkaje; mjedisit, miqve, familjes dhe punës.

– Vështirësia në frymëmarrje: Kjo gjë mund t’ju ndodhë edhe nëse ushtroheni në palestër ose jeni duke ecur. Në qoftë se nuk keni mjaftueshëm hekur në gjak, trupi ndihet i uritur për oksigjen.
– Vështirësi gjatë stërvitjeve të përditshme: Ndieni vështirësi për të kryer të njëjtin numër ushtrimesh si disa javë më parë edhe pse nuk e keni ndërprerë stërvitjen? Nivelet e ulëta të hekurit, mund t’ju shkaktojnë rënie të fuqisë.
– Muskuj të lodhur: Në qoftë se bëni tërheqje muskulore në palestër dhe dhimbjen më pas e ndieni më gjatë se zakonisht, do të thotë që mungesa e hekurit privon aftësinë e muskujve për t’u ripërtërirë shpejt dhe dhimbja do të zgjasë.
– Ngjyra e zbehtë e pazakontë e lëkurës: Një dukje e tillë mund t’ju shkaktohet nga qarkullimi i reduktuar i gjakut dhe zvogëlimi i numrit të rruazave të kuqe të gjakut, gjë e cila vjen si pasojë e mungesës së hekurit.

– Thonjtë e brishtë: Një nga pasojat e mungesës së hekurit në gjak mund të vërehet në thonjtë, të cilët bëhen më të hollë dhe thyhen lehtë. Edhe forma konkave ose e lugët e thonjve është tregues i një fakti të tillë.
– Infeksionet e shpeshta: Nëse sëmureni shpesh, veçanërisht kur keni probleme me frymëmarrjen, mungesa e hekurit mund të jetë një ndër shkaktarët.
– Ngjyra e kuqërremtë në urinë: Kjo mund të ndodhë kur konsumoni disa ushqime që mund të ndikojnë që urina juaj të merr ngjyrë të kuqe. Tek disa persona me mungesë hekuri, kjo shkaktohet nga rritja e absorbimit të disa pigmenteve nga zorrët.
Nëse vëreni se i keni shenjat e mësipërme, mos nguroni të vizitoni mjekun tuaj.

– Ushqimet që përmbajnë hekur: Për të mbajtur një nivel normal të hekurit në organizëm, e vetmja mënyrë është të hamë ushqime të pasura me hekur. Kjo do të na ndihmojë të qëndrojmë larg anemisë, të jemi të fortë e të shëndetshëm. Perimet jeshile si spinaqi e brokoli janë më të njohurat për përmbajtje hekuri. Po ashtu edhe fasulet, rrënjët e rrepave dhe panxharit, bizelet, patatet, majdanozi, shpargu, lakrat, shalqiri, misri, lakra e kuqe, etj./Zëri/

KËSHILLA TË NGJASHME

TË TJERA

Lënia e cigares/ Kur mungesës së vullnetit i vjen në ndihmë teknologjia

Kudo dëgjojmë të flitet mbi dëmet që shkakton pirja e cigares. Por a është e lehtë të hiqet dorë nga ky zakon? Autoritetet shëndetësore në mbarë botën apelojnë për lënien cigares si një mënyrë për mbrojtjen e shëndetit. Në 2019, pak gjëra kanë mbetur pa u shpikur. Disa me qëllimin e zhvillimit të stileve tona të jetës, disa me qëllimin...