Home Shëndetësi Kjo hartë tregon saktësisht përse ju dhemb barku – dhe sa është...

Kjo hartë tregon saktësisht përse ju dhemb barku – dhe sa është e rrezikshme situata (Foto)

Çdokujt me siguri pak ju ka ndodhur të keni problem me dhembjet e barkut, ndërsa kjo mund të jetë pasojë e problemeve të ndryshme si të atyre të parrezikshme ashtu edhe të atyre të cilat ndoshta tregojnë që jeta ju është rrezikuar

Mjekët tregojnë se cili mund të jetë shkaku i dhembjeve në varësi nga pjesa e stomakut ku ndieni dhembjen.

Pjesa e djathtë e sipërme e barkut

Në këtë pjesë gjenden fshikëza e tëmthit dhe mëlçia, andaj dhembja në këtë pjesë të stomakut zakonisht ka të bëjë me këto organe.

Nëse ndieni dhembje të fuqishme dhe të papritur e cila përhapet deri te supi juaj i djathtë pas ushqimit të yndyrshëm, atëherë ndoshta problem juaji është guri në fshikëzën e tëmthit.

Dhembja në shpinë, e cila është therëse dhe zgjat disa orë mund të jetë simptomë e inflamacionit të fshikëzës së tëmthit, ndërkaq dhembja e topitur dhe e fuqishme e cila shfaqet herë pas here mund të tregojë që vuani nga hepatiti.

Pjesa qendrore e sipërme e barkut.

Në këtë pjesë gjendet duodenumi (zorra 12 gishtore), fillimi i zorrëve dhe pjesa më e madhe e pankreasit, andaj dhembja, e cila përhapet edhe në shpinë, mund të jetë simptomë e pankreatitit.

Ndjenja e djegësirës mund të shfaqet për shkak të thartirës së shtuar apo disepsisë.

Pjesa e sipërme e majtë e barkut

Pjesa më e madhe e lukthit është e përqendruar në këtë pjesë, andaj nëse ndieni dhembje të fuqishme dhe të papërballueshme, të shoqëruar me krupë, me siguri keni gastrit apo inflamacion të lukthit.

Pjesa e djathtë dhe e majtë e barkut

Në këtë pjesë gjenden veshkat, andaj dhembja në këtë pjesë të stomakut mund të tregojë inflamacion të veshkave. Dhembja e cila shfaqet në valë mund të tregojë në ekzistimin e gurëve në veshka.

Pjesa qendrore e barkut

Çfarëdo ndjenje e pakëndshme mund të tregojë në problemin me zorrën e hollë dhe zorrën e trashë.

Ngërçet dhe dhembja tregojnë në inflamacionin, por nëse është e shoqëruar me vjellje dhe krupë dhe bashkë me gazra, atëherë fjala është për obstruksionin e zorrës së hollë.

Pjesa e poshtme e djathtë e barkut

Në këtë pjesë gjendet zorra qorre problematike, organ i vogël i cili depoziton bakteret e dobishme, përmirëson tretjen dhe përkrah sistemin e imunitetit.

Dhembje e mprehtë, humbje e apetitit, krupë, vjellje dhe temperatura, janë simptoma të inflamacionit të zorrës qorre, e cila kërkon intervenim të shpejtë kirurgjikal për të penguar pëlcitjen e zorrës qorre dhe vdekjen e mundshme të pacientit për shkak të helmimit të gjakut.

Pjesa e poshtme qendrore e barkut

Në këtë pjesë gjenden fshikëza dhe organet gjenitale. Dhembja në stomak, djegia me rastin e urinimit dhe ndryshimi i ngjyrës së urinës mund të tregojnë që keni infeksion të fshikëzës.

Dhembja e papritur në pelvis mund të tregojë në probleme të caktuara me organet riprodhuese.

Pjesa e poshtme e majtë e barkut

Pjesa më e madhe e zorrës së trashë gjendet aty, andaj nëse keni ndonjë problem me këtë organ do të ndieni dhembje në këtë pjesë të barkut.

Dhembja e shoqëruar me ngërçe, fryrje, gazra, diarre apo kapsllëk mund të tregojë irritimin e zorrëve. Nëse vëreni ndonjë nga këto simptoma, apo ato tashmë një kohë shfaqen, patjetër shkoni te mjeku juaj.

Mos provoni që vetes t’ia caktoni diagnozën dhe terapinë. 



KËSHILLA TË NGJASHME


TË TJERA

Humbja e peshës mund të çojë në zhdukjen e kësaj sëmundje

Diabeti i tipit 2 mund të mposhtet pasi humbja e peshës mund të çojë në një mposhtje të sëmundjes nëse është në fazën fillestare, sipas një studimi të ri në mbi 300 pacientë. Në kongresin e Shoqatës Amerikane të Diabetologjisë (ADA), u konfirmua marrëdhënia midis peshës dhe zhdukjes së sëmundjes të avancuar nga kërkimet e mëparshme. Mbi një e treta e...