Home Shëndetësi Krijimi i mykut në duar dhe këmbë

Krijimi i mykut në duar dhe këmbë

Mbajtja e këpucëve shumë të ngushta gjatë verës nxit formimin e flluskave apo mykut të këmbëve, ndërkohë që dhe mbajtja e çorapeve të najlonit mund të çojë në shfaqjen e këtyre flluskave.

Rënia e tyre në kontakt me rërën apo ujin e ndotur mund të bëhet edhe më problematike, sepse infeksioni mund të përhapet në zona të tjera përveç këmbës. Kështu mund të rrezikohet që të arrijë deri në rrëzë të kofshës.

Trajtimi fillestar i këtyre flluskave mund të bëhet nëpërmjet solucioneve që këshillohen nga mjeku dermatolog, të cilat janë të ndryshme në individë të ndryshëm në bazë të ecurisë së sëmundjes. Ndërsa për rastet më të rënda mund të përdoren medikamente dhe kryesisht kokrrat antimykotike. Kur situata nuk arrin të përmirësohet dhe as ilaçet nuk japin efekt atëherë me këshillim të mjekut mund të arrihet deri në ndërhyrje kirurgjikale. Ndërkohë që këshillohet që të mos mbahen këpucë të ngushta, çorape najloni. Gjithashtu duhet bërë larja e këmbës disa herë gjatë ditës dhe sa më shumë të jetë e mundur të bëhet ajrosja.

Si përfundim vlen të përmendet dhe një infeksion tjetër që mund të merret në plazh. Është fjala për scabies. Infektimi bëhet nga fjetja në jastëkët (ndoshta dhe të pastra) por që kanë fjetur një orë ose një natë më parë persona të infektuar me këtë parazit. Sëmundja manifestohet me të kruara të shumta të trupit kryesisht bark, krahë. Në këto zona dalin puçrra të vogla të kuqe sa koka e gjilpërës çifte-çifte. Kruarja dhe shqetësimi prej tyre ndodh kryesisht natën. /Telegrafi/

KËSHILLA TË NGJASHME

TË TJERA

Arsyet përse ju lotojnë sytë, zgjidhjet për secilin rast

Lotët janë të rëndësishëm për shëndetin e syve. Ato i lubrifikojnë ato, i ushqejnë dhe mbrojnë shëndetin e tyre. Lotët përbëhen nga uji, sekrecione të ndryshme, vajra yndyrorë dhe mbi 1,500 proteina të ndryshme. Shkarkimi i tyre nëpërmjet të qarës është shumë e shëndetshme për organizmin. Lotët prodhohen nga gjendrat sipër syve dhe nën qepalla. Një ndër funksionet e tjera...