Home Këshilla për Prindër Kujdesi për kërthizën e të posalindurit

Kujdesi për kërthizën e të posalindurit

Derisa bebja është në mitër gjithçka çfarë i duhet e merr prej jush përmes placentës dhe kordonit umbilikal.

Pas lindjes së bebes ky kordon pasi shtrëngohet me një kapëse plastike, prehet me gërshërë; kordonin mund ta presë edhe burri juaj ose e pret mamia. Në kordon nuk ka mbaresa nervore, kështu që as ju e as bebja nuk do të ndieni dhimbje dhe asnjë ndjenjë tjetër.

Pasi të prehet kordoni, në vendin ku ka qenë i ngjitur për barkun e bebes, do të mbetet një cungel i gjatë 2-3 cm. Ky cungel duhet të mbahet pastër derisa të bie. Cungeli i kërthizës mund të bie prej ditës 5 deri 15 pas lindjes, por zakonisht bie pas një jave.

Me kalimin e ditëve kordoni e ndryshon ngjyrë nga e verdhë ose gjelbër në ngjyrë kafe të errët ose të zezë, derisa të bie vetvetiu. Lëreni kordonin të bie vetë dhe mos e tërhiqni!
Kordonin mbani të pastër. Gjithmonë lani duart përpara dhe pasi t’ia ndërroni bebes pelenën. Kordonin e mbani pastër duke e larë beben ose duke e fshirë me peceta të lagura me ujë të vakët. Mos e vishni beben ngushtë në mënyrë që kërthiza e bebes të ketë kontakt me ajrin.

Nëse kordoni laget nuk do të thotë se do të ngadalësohet shërimi i tij ose që favorizohet infeksioni. Pas larjes terni kordonin me shumë kujdes me një peshqir të butë. Lini që të teret kordoni para se t’ia veni pelenën. Mos e mbuloni kordonin me pelenë dhe përvileni pelenën më poshtë kërthizës në mënyrë që të mos e fërkojë dhe iritojë kërthizën.

Mos përdorni antiseptik për kërthizën, sepse mund ta vonojë rënien e kërthizës. Mjafton vetëm që ta mbani pastër.
Pasi që të bie kërthiza, në barkun e bebes mbetet një plagë e cila do të shërohet për 7-10 ditë. Nga plaga mund të rrjedhë pak gjak, por kjo është normale prandaj mos u shqetësoni.

Nëse vëreni se pjesa përreth kërthizës është e enjtur dhe e skuqur, nëse kërthiza është e enjtur dhe mban erë, nëse bebja ka ethe, është e përgjumur dhe nuk pin, atëherë patjetër kontaktoni mjekun, sepse këto janë shenja se kërthiza është infektuar./shkruan dr Memli Morina

KËSHILLA TË NGJASHME

TË TJERA

Ja pse nuk duhet të hani banane me stomakun bosh

Shpesh në mëngjes që të mos dalim me stomakun bosh nga shtëpia, marrim një banane, që na tingëllon si opsioni i përsosur. Është e shëndetshme, ushqyese dhe do të japë energji, që për mëngjes është shumë e nevojshme. Mirëpo, sipas nutricionistëve, çuditërisht, banania është një nga ushqimet më të këqija për t’u konsumuar për vaktin e mëngjesit. Pavarësisht se përmbajnë kalium,...