Home Këshilla për Prindër Lojërat e fëmijëve të vegjël

Lojërat e fëmijëve të vegjël

Foshnjave (0-5 vjeç) nuk u nevojiten shumë lojëra. Vëmendja dhe përkushtimi i prindërve është shumë më i rëndësishëm për shëndetin, zhvillimin mendor dhe mirëqenien e fëmijës.

Ç’është e vërteta, fëmijëve të sapolindur u bëjnë më shumë përshtypje fytyrat sesa lodrat e çdo lloji. Në muajt dhe vitet e para të fëmijërisë, fytyrat mbeten të preferuarat. Butësia, përkëdheljet, prekjet dhe fjalët e buta kanë një ndikim të madh në përshtypjen që krijon fëmija i vogël se bota është një vend i mrekullueshëm dhe i sigurt për tu eksploruar pa pasur frikë nga asgjë.

Fëmijët fare të vegjël kanë nevojë për mbikëqyrje të vazhdueshme, pa ndërprerje. Ata sapo kanë filluar procesin e zbulimit dhe njohjes së ambientit që i rrethon nëpërmjet shikimit, dëgjimit, kafshimit, nuhatjes dhe kapjes me duar. Shumica e njohurive mësohen nëpërmjet lojërave. Prandaj, ata kanë nevojë për lodra të sigurta, të cilat u përshtaten mënyrave të tyre të njohjes si dhe të ngjallin kuriozitet.

Foshnjat kanë momente shumë të shkurtra përqendrimi. Reagimet e tua duhet të jenë të shpeshta, të buta dhe të përshtatshme. Luaj me foshnjën vetëm atëherë kur duket se asaj po i pëlqen. Vështroje foshnjën me kujdes për të kuptuar nga sinjalet e saj nëse loja duhet ndryshuar. Për shembull nëse fëmija mërzitet duke goditur një lodër që kolovitet, jepi lojës varietet duke e larguar lodrën pak më tutje apo duke e mënjanuar.

Foshnja ka nevojë që ta ketë ambientin përreth deri në një farë mase nën kontroll. Krijoi mundësinë që të përballet me përvoja të tilla, të cilat e shtyjnë fëmijën që të veprojë, duke fituar besim në vetvete dhe siguri. Foshnja mëson se çfarë ndodh kur shtypet një lodër e butë ose një që fishkëllen. Foshnja gjithashtu kënaqet kur shikon kryerjen e të njëjtit veprim disa herë radhazi, si në rastin kur ajo hedh vazhdimisht diçka në tokë në mënyrë që ti ta ngresh prapë.

Në fundin e vitit të parë, foshnja do t’i pëlqejë disa lodra më shumë se të tjerat.

TË TJERA

Rreziqet e fshehura të proteinës pudër

Mund të përmbaj sheqer, kalori dhe kimikate toksike. Të gjithë të pasionuarit pas palestrës në ndonjë pikë vendosën të kthehen drejtë proteinës pudër për rezultate më të mira dhe të shpejta në përmirësimin e shëndetit. Kjo pasi që proteina është esenciale për të formësuar dhe mbajtur në formë muskujt, për të forcuar eshtrat, për të rritur energjinë etj. Shumë të rritur nuk...