Home Këshilla Seksuale Marrëdhëniet romantike

Marrëdhëniet romantike

Sipas një studimi, meshkujt preken emocionalisht më shumë sesa femrat në marrëdhëniet dashurore. Prandaj edhe plagët shpirtërore nga prishja e marrëdhënieve mbyllen më me vështirësi mes djemve sesa vajzave, thuhet në studim.

Studimi hedh poshtë mendimin e përgjithshëm se femrat e kanë më të vështirë kur ndahen nga të dashurit. Studimi u krye nga shkencëtarët në universitetin Wake Forest ku u morën në shqyrtim mbi 1.000 të rinj nga mosha 18 – 23 vjeç, në marrëdhënie romantike.

Megjithëse meshkujt në dukje dukeshin më të fortë shpirtërisht, të dhënat treguan se marrëdhëniet dashurore ndikonin tek ata më shumë sesa tek femrat. Gjendja e tyre emocionale prekej më shumë nga cilësia e marrëdhënieve aktuale, ndryshe nga shumë femra që afektoheshin emocionalisht nga ekzistenca ose jo e këtyre marrëdhënieve.

Dhe, ndërsa vajzat priren të reagojnë në shqetësime emocionale përmes depresionit, meshkujt zakonisht i shprehin shqetësime duke pirë alkool ose duke marrë drogë.

Për meshkujt, një marrëdhënie romantike është zakonisht burimi kryesor i afërsisë, ndërsa tek femrat ka të ngjarë të kenë marrëdhënie të ngushta me familjen dhe miqtë.

Shkencëtarët besojnë se studime të tjera nevojiten mbi këtë çështje në mënyrë që të kuptohet më mirë shëndeti mendor i të rinjve dhe të rejave gjatë procesit të marrëdhënieve romantike.

KËSHILLA TË NGJASHME

TË TJERA

Çfarë ndodh nëse konsumoni cigare kur ushqeni fëmijën me gji?

Qumështi i gjirit e ndihmon fëmijën të fitojë imunitet dhe të luftojë sëmundje nga më të ndryshmet. Nëse një fëmijë konsumon qumësht ai është në gjendje që të mposhtë edhe tymin e duhanit. Shumë studime kanë treguar se një fëmijë që ushqehet me gji është më i fortë dhe shanset për t’u prekur nga sëmundjet janë më të pakta. Por...