Home Këshilla për Prindër Ndotja e ajrit poaq e rrezikshme sa duhanpirja për abortet e pavullnetshme

Ndotja e ajrit poaq e rrezikshme sa duhanpirja për abortet e pavullnetshme

Sipas një studimi shkencor, ndotja e ajrit paraqet nivel të njëjtë të rrezikut sikur duhanpirja për shkaktimin e aborteve të pavullnetshme. Shkencëtarët thonë se kjo gjetje është shqetësuese dhe se ajri helmues duhet të luftohet për ta mbrojtur shëndetin e gjeneratës së ardhshme.

Tashmë dihet që ajri i ndotur e dëmton fetusin duke e rritur rrezikun për lindje të parakohshme dhe peshë të ulët të foshnjave. Në një studim tjetër është zbuluar se shenja të ndotjes janë vërejtur edhe në placentë. Efekti afatgjatë i ekspozimit në ajër të ndotur për rrezikun e aborteve të pavullnetshme është studiuar edhe më parë. Disa hulumtime në Brazil, Itali e Mongoli kanë gjetur lidhje mes ndotjes së ajrit dhe abortit.

Sidoqoftë, studimi i fundit është dëshmia e parë për vlerësim të ndikimit afatshkurër të ekspozimit në ajër të ndotur. Sipas këtij studimi, rritja e sasisë së dioksidit të azotit, që është dukuri e përhapur në tërë botën, e rrit rrezikun për dështim të shtatzanisë për 16 për qind.

Dioksidi i azotit lirohet përmes djegies së karburanteve, veçanërisht gjatë punës së motorëve me naftë. Ky studim është publikuar në revistën “Fertiliteti dhe Steriliteti” dhe është kryer në Salt Lake City të Shteteve të Bashkuara të Amerikës. Mekanizmi përmes së cilit dëmtohet fetusi nuk është përcaktuar, por besohet se kjo bëhet përmes ndotësve që shkaktojnë shtypje oksiduese dhe inflamacion, shkruan “The Guardian”.

KËSHILLA TË NGJASHME


TË TJERA

Përse nuk duhet të pini ujë të ftohtë gjatë ushqimit?

Hidratimi është një nga elementët thelbësore të një jete të shëndetshme. Çdo ditë trupi ynë humbet 2 deri 3 litra ujë nga djersitja apo lëvizjet, madje edhe teksa marrim frymë. Këto funksione janë thelbësore për mbijetesën tonë ndaj duhet të kompensojmë humbjen e lëngjeve. Ruajtja e balancës është e rëndësishme për t’u mos dehidratuar apo për të evituar overdozën e ujit...