Home Këshilla të ndryshme Ne e trashëgojmë inteligjencën nga nëna – dukjen nga babai

Ne e trashëgojmë inteligjencën nga nëna – dukjen nga babai

Studiuesit në Universitetin e Uashingtonit pohojnë se fëmijët trashëgojnë inteligjencën nga nënat e tyre. Sipas hulumtimit të tyre, gratë kanë më shumë të ngjarë të kalojnë gjenet që formojnë inteligjencën e një fëmije dhe kalohen në kromozomet X.

Gjithashtu, një studim i ri i kryer nga studiues nga Skocia mbështet faktin se gjenet e rëndësishme për funksionet e përparuara njohëse trashëgohen nga babai. Por këto gjene ose çaktivizohen ose mbeten të shtypura. Ata deklaruan se nëse një fëmijë trashëgon ‘inteligjencën’ nga babai, ajo mbetet e ‘inaktivuar’.

Studiuesit nga Glasgou intervistuan 12,686 njerëz të moshës 14 deri 22, çdo vit që nga viti 1994, duke marrë parasysh faktorë të ndryshëm si raca, arsimi dhe statusi socio-ekonomik. Ata zbuluan se koeficienti i inteligjencës së nënës ishte treguesi më i mirë i inteligjencës. Për më tepër, koeficienti i inteligjencës së të anketuarve ndryshonte me një mesatare prej 15 pikësh nga nënat e tyre.

Ata gjithashtu kryen një eksperiment me ndihmën e minjve të modifikuar gjenetikisht. Kur u dhanë minjve një ‘dozë’ gjenesh të nënës, ata zhvilluan një tru më të madh dhe trupa relativisht më të vegjël. Kur iu dha një ‘dozë’ shtesë e gjeneve të babait të tyre, ata kishin një tru më të vogël dhe trupa më të mëdhenj, transmeton Independent UK.

Studimi konkludon se zhvillimi i trurit varet nga gjenet e nënës dhe zhvillimi fizik nga gjenet e babait. Studiuesit theksojnë se pre-dispozicioni gjenetik nuk është një faktor vendimtar në nivelin e inteligjencës. Mjedisi gjithashtu luan një rol të madh në zhvillimin e funksioneve njohëse të një fëmije. Ata shtuan se një fëmijë trashëgon vetëm 40 deri në 60 për qind të gjeneve të prindërve të tyre.

KËSHILLA TË NGJASHME

TË TJERA

Ja pse nuk duhet të hani banane me stomakun bosh

Shpesh në mëngjes që të mos dalim me stomakun bosh nga shtëpia, marrim një banane, që na tingëllon si opsioni i përsosur. Është e shëndetshme, ushqyese dhe do të japë energji, që për mëngjes është shumë e nevojshme. Mirëpo, sipas nutricionistëve, çuditërisht, banania është një nga ushqimet më të këqija për t’u konsumuar për vaktin e mëngjesit. Pavarësisht se përmbajnë kalium,...