Home Modë & Estetikë Në trend këpucët e padukshme

Në trend këpucët e padukshme

Këtë sezon, duket se disenjatorët kanë një moto që thotë: sa më laramane, aq më mirë.

Nga bluzat dhe palltot, deri te këpucët dhe aksesorët e modës, gjithçka vlon nga ngjyrat e shumëllojshme.

E vetmja gjë që është më moderne se laramania, është kombinimi i toneve të ngjyrës bezhë, e kur bëhet fjalë për këpucët, nuk ka hit më të madh se këpucët me taka të larta, në nuanca të ngjyrës bezhë.

Përpos që këpucët e tilla është lehtë që të kombinohen me të gjitha ngjyrat e mundshme, ato po ashtu në mënyrë optike ua bëjnë këmbët që t’ju duken më të gjata.

Këpucët e këtilla mund t’i bartni në të gjitha rastet dhe t’i kombinoni me fustanin më të preferuar, apo edhe me xhinsi të thjeshtë. Është krejt e parëndësishme se a janë ato këpucë të llakuara, apo nga lëkura e rëndomtë, me detaje, apo pa to – me rëndësi është që ato të jenë “të padukshme” në këmbët tuaja.

Trendi i këpucëve me ngjyrë të lëkurës ka gjetur ithtaret e tij më besnike edhe në Hollivud, prandaj femrat e famshme si Victoria Beckham, Angelina Jolie, Taylor Swift dhe aktorja e re Emma Watson, janë parë me këpucë të këtilla në tepih të kuq.

Natyrisht, këpucët e tilla nuk është e nevojshme që të jenë të markave të njohura – trendi i këpucëve “të padukshme” është aq i përhapur, sa që lehtë mund të gjeni modele të përshtatshme për xhepin tuaj

TË TJERA

Rreziqet e fshehura të proteinës pudër

Mund të përmbaj sheqer, kalori dhe kimikate toksike. Të gjithë të pasionuarit pas palestrës në ndonjë pikë vendosën të kthehen drejtë proteinës pudër për rezultate më të mira dhe të shpejta në përmirësimin e shëndetit. Kjo pasi që proteina është esenciale për të formësuar dhe mbajtur në formë muskujt, për të forcuar eshtrat, për të rritur energjinë etj. Shumë të rritur nuk...