Home Këshilla për Prindër Nëna duhet të qëndrojë larg produkteve të qumështit

Nëna duhet të qëndrojë larg produkteve të qumështit

Foshnjave nuk duhet t’u jepet qumësht lope. Por ndonjëherë qumështi dhe nënproduktet e tij të marra nga nëna mund t’i kalojnë fëmijës me anë të qumështit të gjirit.

Si rrjedhojë fëmija mund të bëhet alergjik ndaj qumështit. Këshillohet që nëna të mos konsumojë qumësht e nënproduktet e tij.

Nëse fëmija juaj i porsalindur qan shumë dhe nuk është i qetë për shkak të dhimbjeve të barkut të shkaktuara nga gazrat dhe nuk shton në peshë, atëherë duhet ta shikoni më seriozisht këtë gjendje.

Këta shenja të cilat shihen pothuajse te të gjitha foshnjat ndonjëherë janë treguese të alergjisë nga qumështi. Specialistja për sëmundjet dhe shëndetin e fëmijëve në Memorial Hospital, në Stamboll, Dr. Gokçe Gynbej, tha se edhe tek fëmijët të cilët ushqehen me qumështin e nënës mund të shihet alergjia nga qumështi i lopës.

Dr. Gynbej theksoi se alergjia e parë tek fëmijët e ushqyer me qumështin e nënës shkaktohet nga produktet e qumështit të konsumuara nga nëna të cilat kalojnë tek fëmija me anë të ushqyerjes me gji. Përveç kësaj edhe shumë ushqime të gatshme të cilat përmbajnë proteina të qumështit të lopës mund të shkaktojnë alergji.

Nëna duhet të qëndrojë larg produkteve të qumështit
Duke theksuar se nënat duhet ta vazhdojnë ushqyerjen me gji edhe gjatë kësaj periudhe shqetësimi të fëmijës, Dr. Gynbej gjithashtu kërkoi nga nënat të ndërpresin konsumimin e produkteve të qumështit. Në këtë rast për t’u ruajtur nga mungesa e kalciumit nëna duhet të marrë mbështetje mjekësore.

Tek fëmijët të cilët janë alergjikë nga qumështi i lopës nëna gjithashtu duhet të heqë dorë edhe nga konsumimi i qumështit të dhisë dhe proteinës soja nga frika e një alergjie të mundshme. Duke parë se qumështi mund të gjendet në shumë produkte të gatshme duhet të lexohet me kujdes etiketa kur marrim diçka. Duhet të qëndrojë larg produkteve të cilat përmbajnë kazein, kazeinat, sodium, calcium kazeinat dhe laktalbuminë.

Shenjat ndonjëherë mund të shfaqen më vonë
Shenjat e alergjisë ndryshojnë nga fëmija dhe nga shkalla e veprimit të alergjisë. Zakonisht shenjat shfaqen brenda gjashtë muajve të parë por ndonjëherë mund të shfaqen edhe në vitet më pas. Shenjat janë këto:
Kur fëmija qan shumë dhe ka probleme serioze me gazrat.
Kur ka të vjellura pas ushqimit dhe si rrjedhojë nuk shton në peshë.
Të dalurit jashtë me gjak apo sekrecione dhe ndonjëherë të ketë kapsllëk.
Kur paraqiten rënie të lëkurës apo skuqje në trajtën e ekzemës.
Kur gërhet, kollitet në mënyrë të pandërprerë apo nëse bllokohet në hundë.
Ataket e përsëritura të bronshitit apo bronshiolitit.
Anafilaksia (paraqitet shumë rrallë, shfaqet një orë pas marrjes së proteinës së qumështit të lopës). Është një situatë e cila shoqërohet me rënie të lëkurës, me fryrje të fytyrës, trashje të gjuhës, bllokim në rrugët e frymëmarrjes dhe ulje te tensionit. Nëse nuk kurohet mund të shkaktojë vdekjen.

TË TJERA

Çfarë duhet të dini që të parandaloni sëmundjen e diabetit

Simptomat më klasike të diabetit janë lodhja, urinimi i shtuar, etja dhe uria e tepruar. Por ka edhe disa simptoma të tjera që mund të jenë shenja paralajmëruese, që janë më pak të dukshme. Periodontiti Periodontiti është një sëmundje e mishrave të dhëmbëve, që mund të shkaktojë lirimin ose rënien e tyre. Kjo sëmundje është dy deri në tre herë më e...