Problemet me venat, si ti shmangim

Shkaku i venave të dobëta dhe qarkullimit të dobët të gjakut nga poshtë e deri tek zemra, lëngjet mbesin në inde dhe vjen deri tek ënjtja e këmbëve.

Që t’i shmangni këto probleme, duhet të keni kujdes për peshën trupore, ngase ajo paraqet dëmtim në qarkullim dhe pengon rrjedhjen e gjakut nëpër vena. Ulja e tepërt dhe qëndrimi i tepërt në këmbë përbën rrezik për venat. Pas një periudhe më të zgjatur të qëndrimit ulur, kohë pas kohe, ngrihuni në këmbë, peshoni në gishtat e këmbëve për disa minuta.

Qarkullimin e gjakut e pengojnë edhe rrobat tepër të ngushta. Shmangni pantallona që shtrëngojnë belin, si dhe çorapët e ngushta.

Masazhoni këmbët me xhel që zbusin simptomat e venave të zgjeruara. Më të mirët janë ato që përbëjnë ekstrakte të gështenjës së egër dhe vajit eterik. Atëherë kur jeni në shtëpi, dy herë brenda ditës (në mëngjes dhe në mbrëmje) në pozitën e shtrirë ngrini këmbët për rreth 15 cm mbi nivelin e zemrës. Pas vetëm disa minutave do të ndjeni se si pesha nga këmbët largohet.

Simptomat e venave të dobësuara
Si pasojë e kthimit të vështirësuar të gjakut të venave nga pjesët e poshtme në drejtim të zemrës shfaqet dobësia e venave. Pasojat që shfaqen janë dhembjet, ngërçet de ndjenja e peshës. Posa të zgjoheni, nxitni qarkullimin e gjakut me ushtrime dhjetë minutëshe: duke qëndruar në shpinë, duart i veni nën prapanicë, ndërsa me këmbë bëni sikur po vozitni biçikletën. Çdo ditë ecni së paku gjysmë ore, ngase kjo është mënyra që të aktivizohen enët e vogla në thembra ku grumbullohet gjaku. Gjatë pastrimit përdorni hidromasazhën. Me ujë të ngrohë dhe të ftohtë, pandërprerë lagni këmbët nga thembrat deri tek beli.

KËSHILLA TË NGJASHME