Qëndroni më tepër në diellë për arterie të shëndosha

Mungesa e vitaminave D mund të sjellë deri te dëmtimi i enëve të gjakut, deri te shtypja e lartë e gjakut, si dhe rrezik për shfaqje të sëmundjeve kardiovaskulare.

Nëse i ekspozoheni diellit pak më gjatë dhe konsumoni peshk të yndyrshëm, gjendja mund të përmirësohet. Vitamina D ndërlidhet me shëndetin e enëve të gjakut.

Mungesa e kësaj vitamine edhe te njerëzit relativisht të shëndoshë ndërlidhet me forcimin e arterieve dhe pamundësinë e pushimit të enëve të gjakut. Kështu kanë konstatuar ekspertët nga instituti shëndetësor ‘Emory/Georgia Tech Predictive Health Institute’.

Dielli mund të zgjatë jetën

Kjo është edhe një fakt se mungesa e vitaminës D mundet t’ju dëmtojë enët e gjakut, të shkaktojë shtypjen e lartë të gjakut, si dhe të nxitë sëmundjet kardiovaskulare. Te pjesëmarrësit në hulumtim ishte rritur sasia e vitaminës D dhe me këtë rast ishte vërejtur se gjendja e enëve të gjakut ishte përmirësuar si dhe kishte rënë shtypja e gjakut.

Dr. Ibhar Al Mheid, nga universiteti Emori, ka vërtetuar se edhe pasi ishin marrë për bazë faktorët si mosha, pesha dhe kolesteroli, personat me mungesë të vitaminës D kanë arterie më të tkurrura, si dhe enët e gjakut ju funksionojnë më dobët.

Është zbuluar se personat me mungesë të vitaminës D kanë probleme me enët e gjakut të ngjashme me të atyre që vuajnë nga diabeti dhe shtypja e lartë e gjakut.

Shumica nga vitamina D krijohet gjatë ekspozimit në diell dhe e krijon lëkura jonë, por ndihmojnë edhe shtesat në ushqim.