Home Udhëtim & Turizëm Shkëmbi i Kavajës- një perlë e pushimeve verore!

Shkëmbi i Kavajës- një perlë e pushimeve verore!

Bashkatdhetarë, shijoni bukurinë e bregdetit shqiptar

Me t’iu afruar zonës jugore të Republikës së Shqipërisë, vizitorët e shumtë, veçmas ata nga Republika e Kosovës, rëndomë i tundon dilema, se në cilin plazh të sistemohen për t’i kaluar ditët e pushimeve verore.

Më së tepërmi kjo gjendje shpirtërore të kaplon, nga shkaku se i tërë bregdeti shqiptar, që nga Velipoja deri në Ksamil, karakterizohet me bukuri të veçanta natyrore, ujë të pastër, por edhe rërë e cilësisë së lartë. Megjithatë, ekziston edhe laryshia e çmimeve, qoftë e sistemimit nëpër hotelet e shumta, apo edhe të ushqimit në restorante, varësisht nga vëllimi i vizitorëve, respektivisht pushuesve.

Me këtë rast, për sezonin veror të këtij viti, ne vizituam plazhin te Shkëmbi i Kavajës, i cili ndodhet në mes të Durrësit dhe Kavajës, dhe që sipas shumicës së pushuesve me të cilët bideduam na njoftuan se kjo zonë e bregdetit shqiptar, për shumëçka, paraqitet të jetë njëra nga perlat e Adriatikut.

Për ta ilustruar këtë reportazh ne biseduam me pronaren e njërit prej vargut të hoteleve përgjatë plazhit te Shkëmbi i Kavajës, znj Shpresa Hazbiu, e cila ka theksuar, se, ndonëse tanimë kemi hyrë në gjysmën e korrikut, nuk na kënaqë vëllimi i vizitorëve, veçmas i atyre nga Kosova, por edhe nga vendet e tjera.

Kjo gjendje, thotë znj. Hazbiu, sigurisht e ka shkakun te gjendja e rënduar ekonomike e qytetarëve, ndërkaq që na mban shpresa, se përgjatë gushtit, do të shtohet frekuentimi i pushuesve, pasi që pritet mbizotërimi i temperaturave të larta në rajonin jugor të Evropës.

Nga njoftimet e znj. Shpresa Hazbiu, ne mundë të konstatojmë, se kjo gjendje paraqitet të jetë e levërdishme për pushuesit nga Kosova edhe me “xhep të cekët”, jo vetëm për verime në plazhin te Shkëmbi i Kavajës, por edhe përgjatë pjesës dërmuese të bregdetit të bukur shqiptar.

Ndërsa pushuesi nga kudo qoftë, nëse vendos të sistemohet në këtë plazh, do të paguajë vetëm 10 euro natën, pa e llogaritur ushqimin ditor, të cilin mundë ta gjejë kudo qoftë, në hetelin ku është sistemuar, apo edhe në restorantet e të gjitha kategorive, që janë në dispozicion të pushuesve përgjatë tërë Shkëmbit të Kavajës.

KËSHILLA TË NGJASHME

TË TJERA

Arsyet përse ju lotojnë sytë, zgjidhjet për secilin rast

Lotët janë të rëndësishëm për shëndetin e syve. Ato i lubrifikojnë ato, i ushqejnë dhe mbrojnë shëndetin e tyre. Lotët përbëhen nga uji, sekrecione të ndryshme, vajra yndyrorë dhe mbi 1,500 proteina të ndryshme. Shkarkimi i tyre nëpërmjet të qarës është shumë e shëndetshme për organizmin. Lotët prodhohen nga gjendrat sipër syve dhe nën qepalla. Një ndër funksionet e tjera...