Home Këshilla të ndryshme Truri i grave është katër vjet më i ri sesa truri i...

Truri i grave është katër vjet më i ri sesa truri i burrave

Sipas hulumimeve të disa shkencëtarëve amerikanë, truri i grave është rreth katër vjet më i ri sesa truri i burrave, të paktën sa i përket mënyrës se si e konsumon energjinë.

Hulumtuesit kanë zbuluar se gratë e shëndosha kanë një moshë metabolike të trurit që është vazhdimisht më e re se mosha metabolike e trurit të burrave të së njëjtës moshë. Ky dallim është vërejtur edhe te personat e moshës së re dhe tek të moshuarit.

Sipas gjetjeve të këtij studimi, ndryshimet e mënyrës së përdorimit të energjisë nga truri gjatë jetës së një personi zhvillohen më shpejt te gratë sesa te burrat. Ndonëse studiuesit nuk i kanë të qarta pasojat shëndetësore të këtij dallimi, ky studim mund ta ndihmojë spjegimin e faktit që femrat janë më të freskëta mendërisht sesa burrat.

“Metabolizmi i trurit ndryshon me kalimin e kohës, por ajo që kemi vërejtur është se ka dallime të konsiderueshme mes dy gjinive. Nëse metabolizmi i trurit merret si mënyrë e përcaktimit të moshës, duket se gratë janë katër vjet më të reja sesa mosha e vërtetë e tyre”, thotë Marcus Raichle, neurobiolog në Universitetin e Uashingtonit.

Shkencëtarët e përdorën një teknikë të studimit të trurit për matjen e qarkullimit të oksigjenit dhe glukozës në trurin e 121 grave dhe 84 burrave të moshës 20 deri 82-vjeçare. Vëzhgimet e trurit treguan se sheqeri shndërrohej në energji më shpejt në trurin e grave sesa në trurin e burrave, shkruan “The Guardian”.

 

KËSHILLA TË NGJASHME

TË TJERA

99 Emrat e Bukur të Allahut

1. ER RAHMAN (I Gjithëmëshirshmi); 2. ER RAHIM (Mëshirëploti). “Zbritje prej Mëshiruesit, Mëshirëplotit!” Fusilet, 2. 3. EL MELIK (Sunduesi); 4. EL KUDUS ( i Pastërti); 5. ES SELAM (Paqedhënësi); 6. EL MUMIN (Siguruesi); 7. EL MUHEJMIN (Mbizotëruesi); 8. EL AZIZ (Fuqiploti); 9. EL XHEBAR (i Gjithëfuqishmi); 10. EL MUTEKEBIR (I Madhërishmi). “Ai është Allahu që nuk ka zot tjetër përveç Tij, Sundues i përgjithshëm, i Pastër (prej të metave që...